തിരുവനന്തപുരം: കാസര്‍ക്കോട് കനത്ത മഴയില്‍ മരം വീണ് വിദ്യാര്‍ത്ഥിനി മരിച്ച സംഭവത്തില്‍ സ്വമേധയാ കേസെടുത്തു ബാലാവകാശ കമ്മീഷൻ.
സംഭവത്തില്‍ കലക്ടര്‍, ഡിഡിഇ, സ്കൂള് പ്രധാനാധ്യാപകൻ എന്നിവരോട് വിശദീകരണം തേടി.
അംഗഡിമൊഗര്‍ ജിഎച്ച്‌എസ്‌എസ് ആറാം ക്ലാസ് വിദ്യാര്‍ഥിനി ആയിഷത്ത് മിന്‍ഹ ആണ് മരിച്ചത്. ബി എം യൂസഫ്- ഫാത്തിമ സൈന ദമ്ബതികളുടെ മകളാണ്.
സ്കൂള് വിട്ട് വീട്ടിലേക്ക് പോകുന്നതിനിടെയാണ് സ്‌കൂളിന് സമീപത്തെ മരം കടപുഴകി വീണത്. മരത്തിന്റെ ചില്ല കുട്ടിയുടെ ദേഹത്ത് വീഴുകയായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
