കോട്ടയം; സ്വകാര്യ ബസ് തലയിലൂടെ കയറി ഇറങ്ങി മധ്യവയസ്കന് മരിച്ചു. കോട്ടയം പാലായിലാണ് സംഭവം.
കൊട്ടാരമറ്റം ബസ് സ്റ്റാന്ഡില് ഉച്ചയ്ക്ക് 2.30 ഓടെയായിരുന്നു സംഭവം. പാലാ-കുത്താട്ടുകുളം റൂട്ടില് സര്വീസ് നടത്തുന്ന സെന്റ് റോക്കീസ് എന്ന ബസ്സിനടിയില് പെട്ടാണ് അപകടം ഉണ്ടായത്.
ബസ് സ്റ്റാന്ഡില്നിന്ന് ആളെ കയറ്റിയ ശേഷം മുന്നോട്ട് നീങ്ങിയ ബസ്സിലേക്ക് ചാടിക്കയറാന് ശ്രമിക്കുമ്ബോഴാണ് അപകടം. ബസില് നിന്ന് പിടിവിട്ട് വീഴുകയും പിന്ചക്രം തലയിലൂടെ കയറി ഇറങ്ങുകയുമായിരുന്നു. സംഭവസ്ഥലത്ത് വച്ച് തന്നെ മരണപ്പെടുകയായിരുന്നു. മരണപ്പെട്ട വ്യക്തിയെ ഇതുവരെ തിരിച്ചറിഞ്ഞിട്ടില്ല. പോലീസ് സംഭവസ്ഥലത്തെത്തി തുടര് നടപടികള്സ്വീകരിച്ചു.