ചെങ്ങന്നൂര്‍: മാളൂട്ടിയെ ജീവിതത്തിലേക്ക് മടക്കിക്കൊണ്ടുവരാന്‍ പരുമലയെന്ന ഗ്രാമം ഒരുമിക്കുന്നു.
ഒരോരുത്തരും നല്‍കുന്ന ചെറിയൊരു സഹായം ഒരുജീവന്‍ നമുക്ക് നിലനിര്‍ത്താന്‍ കഴിയുമെന്ന പ്രതീക്ഷയിലാണ് പരുമല. പരുമല തിക്കപ്പുഴ അഞ്ചാം വാര്‍ഡില്‍ തെക്കേടത്തു പറമ്ബില്‍ പുഷ്പ ശെല്‍വ‍െന്‍റ മകള്‍ മാളൂട്ടി (26) ഇരുവൃക്കയും തകരാറിലായി ചികിത്സയിലാണ്. പ്ല സ് ടു കഴിഞ്ഞ് തുടര്‍ പഠനത്തിന് ശ്രമിക്കുമ്ബോഴാണ് രോഗം പിടിപെടുന്നത്.
ആശുപത്രികളില്‍ ചികിത്സ തേടിയെങ്കിലും വൃക്ക തകരാറാണെന്ന് കണ്ടെത്താന്‍ ഏറെ കാലതാമസമെടുത്തു. സാമ്ബത്തികമായി പിന്നാക്കം നില്‍ക്കുന്ന കുടുംബമാണ് ഇവരുടേത്. ഇപ്പോള്‍ കോട്ടയം മെഡിക്കല്‍ കോളജ് ആശുപത്രിയില്‍ പി.ഡി.ഐ.സിയുവില്‍ ഗുരുതര അവസ്ഥയിലാണ്. ചികിത്സച്ചെലവുകള്‍ കണ്ടെത്താന്‍ പഞ്ചായത്ത് അംഗം സോജിത്ത് സോമ‍െന്‍റ നേതൃത്വത്തില്‍ കമ്മിറ്റി രൂപവത്കരിച്ചു. ശനിയാഴ്ച വീടുകള്‍ കയറിയിറങ്ങി സഹായം തേടും. എസ്.ബി.ഐ മാന്നാര്‍ ശാഖയില്‍ അക്കൗണ്ട് തുറന്നിട്ടുണ്ട്. മാളൂട്ടി എസ്. ശെല്‍വന്‍, എസ്.ബി.ഐ മാന്നാര്‍ ബ്രാഞ്ച്, അക്കൗണ്ട് നമ്ബര്‍:38064148465, ഐ.എഫ്.എസ്.സി കോഡ്:SBIN0070088.
