കീവ്: ഇന്‍റര്‍നെറ്റ് പ്രതിസന്ധിയില്‍ നിന്നും യുക്രെയ്‌നെ രക്ഷിച്ച്‌ സ്‌പേസ് എക്‌സ് ഉടമ ഇലോണ്‍ മസ്ക്.
യുക്രെയ്‌നു വേണ്ടി ഉപഗ്രഹ ഇന്‍റര്‍നെറ്റ് പദ്ധതിയായ സ്റ്റാര്‍ലിങ്ക് പ്രവര്‍ത്തിപ്പിച്ചതായി ഇലോണ്‍ മസ്ക് അറിയിച്ചു.
റഷ്യന്‍ അധിനിവേശത്തെ തുടര്‍ന്ന് യുക്രെയ്‌ന്‍റെ ദക്ഷിണ, കിഴക്കന്‍ മേഖലകളില്‍ ഇന്‍റര്‍നെറ്റ് സേവനം തടസപ്പെട്ടിരുന്നു. ഈ പ്രദേശങ്ങളില്‍ ഇന്‍റര്‍നെറ്റ് എത്തിക്കുമെന്നാണ് അദ്ദേഹം അറിയിച്ചത്.
റഷ്യയുടെ നീക്കങ്ങള്‍ക്കെതിരെ തങ്ങള്‍ക്കൊപ്പം നില്‍ക്കണമെന്ന് മസ്കിനോട് യുക്രെയ്ന് ഉപപ്രധാനമന്ത്രിയും ഡിജിറ്റല്‍ ട്രാന്‍സ്ഫോര്‍മേഷന്‍ മന്ത്രിയുമായ മൈഖൈലോ ഫെഡോറോവ്, മസ്കിനോട് ആവശ്യപ്പെട്ടിരുന്നു.
ഭൂമിയുടെ ഏതൊരു കോണിലും സാറ്റ്‌ലൈറ്റിന്‍റെ സഹായത്തോടെ ഇന്‍റര്‍നെറ്റ് സേവനം ലഭ്യമാക്കുമെന്ന അവകാശത്തോടെയാണ് സ്റ്റാര്‍ലിങ്ക് പ്രഖ്യാപിക്കപ്പെട്ടിരുന്നത്.
