വാഷിംഗ്ടണ്‍ : നെതര്‍ലാന്റ് യു.എസ് അംബാസിഡറായി ഇന്ത്യന്‍ അമേരിക്കന്‍ പൊളിറ്റിക്കല്‍ ആക്ടിവിസ്റ്റ് ഷിഫലി റസ്ഡന്‍ ഡഗ്ഗലിനെ അമേയ്ക്കാന്‍ പ്രസിഡന്റ് ബൈഡന്‍ നോമിനേറ്റ് ചെയ്തു . മാര്‍ച്ച് 11 നാണ് ഇത് സംബന്ധിച്ച് പ്രഖ്യാപനം പുറത്തു വന്നത് .
യു.പി ഹരിദ്വാറില്‍ ജനിച്ച ഷിഫലി ചെറുപ്രായത്തില്‍ തന്നെ അമേരിക്കയില്‍ എത്തി . ഒഹായോ സിന്‍സിനാറ്റിയിലായിരുന്നു പ്രാഥമിക വിദ്യാഭ്യാസം പൂര്‍ത്തീകരിച്ചത് .
ഓക്‌സ്‌ഫോര്‍ഡ് മയാമി യൂണിവേഴ്സിറ്റിയില് നിന്നും മാസ് കമ്മ്യുണിക്കേഷനില്‍ ബിരുദവും ന്യുയോര്‍ക്ക് യൂണിവേഴ്സിറ്റിയില് നിന്നും മീഡിയ എക്കോളജിയില്‍ മാസ്റ്റര്‍ ബിരുദവും കരസ്ഥമാക്കി .
ഒബാമയുടെ 2012 തിരെഞ്ഞെടുപ്പില്‍ ഇവര്‍ നാഷണല്‍ ഫിനാന്‍സ് കമ്മിറ്റി അംഗമായിരുന്നു . 2016 ല്‍ ക്ലിന്റണ്‍ തിരഞ്ഞെടുപ്പ് പ്രചരണ നാഷണല്‍ അഡ്വൈസറി കൗണ്‍സില്‍ അംഗം കൂടിയായിരുന്നു .
ഡി.എന്‍.സി സൗത്ത് ഏഷ്യന്‍ അമേരിക്കന്‍ ലീഡര്‍ഷിപ്പ് കൗണ്‍സില്‍ ട്രസ്റ്റി എന്ന നിലയിലും പ്രവര്‍ത്തിച്ചിരുന്നു .
കാശ്മീരി പണ്ഡിറ്റ് കുടുംബാംഗമായ ഇവരുടെ ഭര്‍ത്താവ് രഞ്ജന്‍ ഡഗ്ഗലാണ് , 2 മക്കളുണ്ട് .
സെനറ്റിന്റെ അംഗീകാരം ലഭിച്ചാല്‍ ഇവര്‍ നെതര്‍ലാന്റ് അംബാസിഡര്‍ ചുമതലയേല്‍ക്കും . റിപ്പബ്ലിക്കന്‍ പാര്‍ട്ടിക്കും സമ്മതയായ ഇവരുടെ നോമിനേഷന്‍ സെനറ്റ് അംഗീകരിക്കുമെന്നാണ് പ്രതീക്ഷിക്കുന്നത് .
പി പി ചെറിയാന്‍
