സംസ്ഥാനത്ത് പുതിയ ലോക്ക് ഡൗണ് മാര്ഗനിര്ദ്ദേശങ്ങള് കഴിഞ്ഞ ദിവസം പ്രാബല്യത്തിൽ വന്നിരുന്നു. സമൂഹത്തിന്റെ വിവിധ കോണുകളില് നിന്നും പുതിയ മാനദണ്ഡങ്ങള്ക്കെതിരെ വിമര്ശം ഉയരുന്നുണ്ട്.
സംസ്ഥാനത്ത് പുതിയ ലോക്ക് ഡൗണ് മാര്ഗനിര്ദ്ദേശങ്ങള് കഴിഞ്ഞ ദിവസം പ്രാബല്യത്തിൽ വന്നിരുന്നു.
പുതിയ ഉത്തരവനുസരിച്ച് ഒരു ഡോസ് വാക്സിന് എടുത്ത് 14 ദിവസം പിന്നിട്ടവര്, കോവിഡ് പൊസീറ്റിവായി ഒരു മാസം കഴിഞ്ഞവര്, 72 മണിക്കൂറിനകം ആര്ടിപിസിആര് ടെസ്റ്റ് ചെയ്ത് നെഗറ്റീവായവര് എന്നിവര്ക്ക് മാത്രമേ വ്യാപാരശാലകളിലും മാര്ക്കറ്റുകളിലും ടൂറിസം കേന്ദ്രങ്ങളിലും പ്രവേശനമുണ്ടാവൂ. സമൂഹത്തിന്റെ വിവിധ കോണുകളില് നിന്നും പുതിയ മാനദണ്ഡങ്ങള്ക്കെതിരെ വിമര്ശം ഉയരുന്നുണ്ട്.
ലോക്ഡൗണ് ഇളവുകളുടെ ഭാഗമായി ഏര്പ്പെടുത്തിയ നിബന്ധനകള്ക്കെതിരെ നടി രഞ്ജിനിയും രംഗത്തെത്തിയിരിക്കുകയാണ്. ”പാല് വാങ്ങാന് പോകാനും കോവിഡ് നെഗറ്റീവ് സര്ട്ടിഫിക്കറ്റ് ഞാന് ഹാജരാക്കണോ? നമ്മളാണ് ഈ ലോകത്തിലെ ഏറ്റവും വലിയ കോമാളികൾ’, രഞ്ജിനി ഫേസ്ബുക്കില് കുറിച്ചു.
സര്ക്കാരിന്റെ പുതിയ മാര്ഗനിര്ദേശപ്രകാരം ടെസ്റ്റ് പോസിറ്റിവിറ്റി നിരക്കിന് (ടിപിആര്) പകരം ഇനി മുതല് പ്രതിവാര രോഗബാധ നിരക്ക് ( Weekly infection population ratio) അടിസ്ഥാനമാക്കിയാണ് നിയന്ത്രണങ്ങള് നടപ്പാക്കുക. ഓരോ ആഴ്ചയിലും പഞ്ചായത്തുകളിലെയും നഗരസഭാ മുന്സിപ്പല് വാര്ഡുകളിലെയും കോവിഡ് രോഗികളുടെ എണ്ണം എടുത്ത് പരിശോധിച്ച് ആയിരത്തില് എത്ര പേര്ക്ക് രോഗമുണ്ടെന്ന് കണക്കെടുക്കും. ആയിരം പേരില് പത്തിലേറെ പേര് പോസിറ്റീവ് ആയാല് അവിടെ ട്രിപ്പിള് ലോക്ഡൗണ് ഏര്പ്പെടുത്തും.
എല്ലാ ബുധനാഴ്ചയും ഇന്ഫക്ഷന് പോപ്പുലേഷന് റേഷ്യോ ജില്ല തല സമിതി പ്രസിദ്ധീകരിക്കും.