മനാമ: അനധികൃത തൊഴിലാളികളെ കണ്ടെത്തുന്നതിന് ലേബര് മാര്ക്കറ്റ് റെഗുലേറ്ററി അതോറിറ്റി (എല്.എം.ആര്.എ) മുഹറഖ് ഗവര്ണറേറ്റ് പരിധിയിലെ വിവിധ സ്ഥലങ്ങളില് പരിശോധന നടത്തി.
ആഭ്യന്തര മന്ത്രാലയത്തിനു കീഴിലെ നാഷനാലിറ്റി, പാസ്പോര്ട്സ് ആന്ഡ് റെസിഡന്റ്സ് അഫയേഴ്സ്, മുഹറഖ് പൊലീസ് ഡയറക്ടറേറ്റ് എന്നിവയുമായി സഹകരിച്ചാണ് പരിശോധന നടത്തിയത്.
എല്.എം.ആര്.എ, എമിഗ്രേഷന് നിയമങ്ങളുടെ ലംഘനങ്ങള് പരിശോധനയില് കണ്ടെത്തി. ഇവര്ക്കെതിരെ നിയമനടപടികള് സ്വീകരിച്ചതായി അധികൃതര് അറിയിച്ചു.
നിയമലംഘനങ്ങള് ശ്രദ്ധയില്പെട്ടാല് 17506055 എന്ന എല്.എം.ആര്.എ കാള് സെന്റര് നമ്ബറില് അറിയിക്കണമെന്ന് അധികൃതര് പൊതുജനങ്ങളോട് ആവശ്യപ്പെട്ടു.