ഭാര്യയ്ക്ക് വിവാഹേതര ബന്ധമുണ്ടെന്ന സംശയമാണ് 40കാരനെ ക്രൂരകൃത്യത്തിലേക്ക് നയിച്ചതെന്ന് പൊലീസ് പറയുന്നു. കാന്പൂരിലാണ് സംഭവം. ഫാക്ടറി തൊഴിലാളിയായ ഇന്ദ്രപാല് നിഷാദിനെ വീട്ടില് തൂങ്ങിമരിച്ച നിലയിലാണ് കണ്ടെത്തിയത്. ഭാര്യയെയും മകളെയും മകനെയും ഗുരുതര പരിക്കുകളോടെയാണ് വീട്ടില് മരിച്ചനിലയില് കണ്ടെത്തിയത്.
ഇന്ദ്രപാല് ദിവസങ്ങള്ക്ക് മുന്പാണ് ഗുജറാത്തില് നിന്ന് നാട്ടില് തിരിച്ചെത്തിയത്. ഭാര്യയെയും മക്കളെയും ഇന്ദ്രപാല് അടിച്ചു കൊല്ലുകയായിരുന്നു എന്നാണ് പൊലീസിന്റെ പ്രാഥമിക നിഗമനം. സംഭവത്തിന് തൊട്ടുമുന്പ് ഭാര്യയ്ക്ക് വിവാഹേതര ബന്ധമുണ്ടെന്ന് ആരോപിച്ച്‌ ഇന്ദ്രപാല് ഫെയ്സ്ബുക്കില് ലൈവ് വീഡിയോ ഇട്ടതായും പൊലീസ് പറയുന്നു. സംഭവത്തില് പൊലീസ് വിശദമായ അന്വേഷണം നടത്തുന്നുണ്ട്. ഈ വാര്ത്ത കൂടി വായിക്കൂ മദ്യനയക്കേസ്: കെജരിവാളിനെ ഇന്ന് ചോദ്യം ചെയ്യും; വന് പ്രതിഷേധത്തിന് എഎപി; സിബിഐ ഓഫീസ് പരിസരത്ത് നിരോധനാജ്ഞ സമകാലിക മലയാളം ഇപ്പോള് വാട്സ്‌ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
