മലപ്പുറം: പൊന്നാനിയില് പ്രവാസിയുടെ വീട് കുത്തി തുറന്ന് 350 പവൻ സ്വർണം കവർന്നത് കൃത്യമായ ആസൂത്രണത്തിനൊടുവിലെന്ന നിഗമനത്തില് അന്വേഷണ സംഘം.
ഒന്നിലധികം പേർ ചേർന്നാകാം കവർച്ച നടത്തിയതെന്നാണ് അന്വേഷണ സംഘത്തിന്റെ വിലയിരുത്തല്. തിരൂർ ഡിവൈഎസ്പിയുടെ നേതൃത്വത്തില് നടക്കുന്ന അന്വേഷണത്തില് പ്രധാന വെല്ലുവിളിയാകുന്നത് കവർച്ച നടന്ന വീട്ടിലെ സിസിടിവി ദൃശ്യങ്ങള് നശിപ്പിക്കപ്പെട്ടതാണ്. പ്രദേശത്തെ സ്ഥിരം മോഷ്ടാക്കളെ കേന്ദ്രീകരിച്ചാണ് നിലവില് അന്വേഷണം പുരോഗമിക്കുന്നത്. സമീപ പ്രദേശങ്ങളിലെ സിസിടിവി ദൃശ്യങ്ങളില് നിന്നും പ്രതികളിലേക്കെത്താനുള്ള സൂചനകള് ലഭിക്കുമെന്ന പ്രതീക്ഷയിലാണ് പൊലീസ്.
പൊന്നാനി സ്വദേശി മണല്തറയില് രാജീവിന്റെ വീട്ടിലാണ് കവർച്ച നടന്നത്. വീട്ടിലെ ലോക്കറില് സൂക്ഷിച്ചിരുന്ന 350 പവനോളം സ്വർണമാണ് നഷ്ടമായത്. രാജീവും കുടുംബവും വിദേശത്താണ് താമസിക്കുന്നത്. ശനിയാഴ്ച വീട് വൃത്തിയാക്കാനെത്തിയ ജോലിക്കാരിയാണ് കവർച്ച നടന്ന വിവരം മനസിലാക്കിയത്. വീടിന്റെ പുറകുവശത്തെ ഗ്രില് തകര്ത്ത നിലയിലായിരുന്നു. വിവരം ജോലിക്കാരി ബന്ധുക്കളെ അറിയിച്ചു. ബന്ധുക്കള് ഇത് പൊലീസിലും രാജീവിനെയും അറിയിച്ചു. രാജീവ് ഇന്നലെ തന്നെ നാട്ടിലെത്തി.
പൊന്നാനി ഐശ്വര്യ തീയേറ്ററിന് സമീപത്തെ വീട്ടിലാണ് കവര്ച്ച നടന്നത്. കുടുംബത്തോടൊപ്പം ദുബായില് താമസിക്കുന്ന രാജീവും കുടുബവും രണ്ട് ആഴ്ച മുമ്ബാണ് നാട്ടില് വന്ന് തിരിച്ച് പോയത്. മോഷണം നടന്ന വീട്ടില് റൂമുകളും അലമാരകളും തുറന്നിട്ട നിലയില് കാണുകയായിരുന്നു. വീടിനകത്ത് ലോക്കറില് സൂക്ഷിച്ച 2 കോടിയോളം രൂപ വില വരുന്ന 350 പവനോളം സ്വര്ണ്ണമാണ് നഷ്ടമായത്. മലപ്പുറം എസ്പി, തിരൂര് ഡിവൈഎസ്പി അടക്കമുള്ള ഉന്നത ഉദ്യോഗസ്ഥര് സ്ഥലത്തെത്തി പരിശോധന നടത്തിയിരുന്നു.