കുവൈത്ത് സിറ്റി: ഒരുദിവസത്തിനിടെ രണ്ട് ആത്മഹത്യശ്രമങ്ങള് അധികൃതര് വിഫലമാക്കി.
ആദ്യത്തെ കേസില് ഫര്വാനിയയില് നടപ്പാതയില്നിന്ന് ചാടാന് ശ്രമിച്ചയാളെ പൊലീസ് അനുനയത്തിലൂടെ പിന്തിരിപ്പിച്ചു. ഇയാളെ നാടുകടത്തല് നടപടികള്ക്കായി ബന്ധപ്പെട്ട വകുപ്പിന് കൈമാറി. രണ്ടാമത്തെ കേസില് കുവൈത്ത് പൗരനാണ് ആത്മഹത്യക്ക് ശ്രമിച്ചത്. അഞ്ചുനില കെട്ടിടത്തില്നിന്ന് ചാടാന് ശ്രമിച്ച ഇയാളെ തടഞ്ഞുനിര്ത്തി. ഇയാള്ക്കെതിരെ കേസെടുത്തു. രണ്ടുപേര്ക്കും ജീവിതം അവസാനിപ്പിക്കേണ്ടുന്ന ഗുരുതര സാഹചര്യം ഇല്ലെന്ന് അധികൃതര് പറഞ്ഞു. രാജ്യത്ത് ആത്മഹത്യ കേസുകള് വര്ധിച്ചുവരുന്നതായാണ് റിപ്പോര്ട്ട്.
ഇന്ത്യക്കാര് ഉള്പ്പെടെ വിദേശ തൊഴിലാളികളിലാണ് ആത്മഹത്യപ്രവണത കൂടുതല്. കുവൈത്തികളും പട്ടികയിലുണ്ട്. കോവിഡ് പ്രതിസന്ധി ആരംഭിച്ചതിന് ശേഷം ആത്മഹത്യനിരക്ക് വര്ധിച്ചു. നിരവധി ആത്മഹത്യശ്രമങ്ങള് അധികൃതര് ഇടപെട്ട് രക്ഷിച്ചിട്ടുണ്ട്. ശൈഖ് ജാബിര് പാലത്തില്നിന്ന് കടലില് ചാടി മരിക്കാനുള്ള ശ്രമം തടയാന് പൊലീസ് ജാഗ്രത വര്ധിപ്പിക്കുകയും പ്രത്യേക നിരീക്ഷണസംഘത്തെ നിയോഗിക്കുകയും ചെയ്തിട്ടുണ്ട്.