ചെന്നൈ: ഏപ്രില്‍ ഒമ്ബതിന് കണ്ണൂരില്‍ നടക്കുന്ന സി.പി.എമ്മിന്റെ 23-ാമത് പാര്‍ട്ടി കോണ്‍ഗ്രസിലേക്ക് ഡി.എം.കെ അധ്യക്ഷനും തമിഴ്നാട് മുഖ്യമന്ത്രിയുമായ എം.കെ സ്റ്റാലിന് ക്ഷണം.
കേരള പിന്നോക്ക ക്ഷേമ മന്ത്രി കെ. രാധാകൃഷ്ണന്‍ ഞായറാഴ്ച അണ്ണാ അറിവാലയത്തില്‍ വെച്ച്‌ സ്റ്റാലിനെ നേരില്‍കണ്ട് ക്ഷണപത്രിക നല്‍കി. തമിഴ്നാട് സി.പി.എം സെക്രട്ടറി കെ.ബാലകൃഷ്ണനോടൊപ്പമെത്തിയ മന്ത്രി മുഖ്യമന്ത്രിക്ക് സ്മരണികയായി കഥകളി പാവയും സമ്മാനിച്ചു.
തമിഴ്നാട് ജലവിഭവ മന്ത്രി ദുരൈമുരുകന്‍, ഉന്നത വിദ്യാഭ്യാസ മന്ത്രി കെ. പൊന്‍മുടി തുടങ്ങിയവരും സന്നിഹിതരായിരുന്നു.
