ജനാധിപത്യ മതേതര രാഷ്ട്രീയ പ്രസ്ഥാനം എന്ന നിലയ്ക്കും വികസനത്തിന് വേണ്ടി കഴിഞ്ഞകാലങ്ങളില്‍ നില കൊണ്ട പാര്‍ട്ടി എന്ന നിലയിലും എഎപിയുടേയും ട്വന്‍റി20യുടേയും പിന്തുണ കോണ്‍ഗ്രസ് തേടുകയാണ്.
സിപിഎമ്മിന്‍റെ ഭാഗത്തു നിന്നും ട്വന്‍റി20യ്ക്കുണ്ടായ തിക്താനുഭവങ്ങള്‍ എനിക്കറിയാം. തൃക്കാക്കര കോണ്‍ഗ്രസിന്‍റെ ആരൂഢമായ സീറ്റാണ്. കോണ്‍ഗ്രസിന്‍റെ കരുത്തുറ്റ മണ്ഡലമാണ്. ഇത് സംരക്ഷിച്ചേ കോണ്‍ഗ്രസിന് മതിയാകൂ.
ആം ആദ്മി പാര്‍ട്ടി എവിടെയാണ് ഇടതുപക്ഷത്തോടൊപ്പം നിലയുറപ്പിച്ചിട്ടുള്ളത്?. ട്വന്‍റി20 എവിടെയാണ് ഇടതുപക്ഷത്തോട് യോജിച്ചിട്ടുള്ളത്?. ഒരു കാരണവശാലും യോജിക്കാനാകാത്ത പ്രസ്ഥാനമാണ് അവരെ സംബന്ധിച്ചിടത്തോളം ഇടതുപക്ഷം.
കോണ്‍ഗ്രസിന് യാതൊരു ആശങ്കയുമില്ല. യുഡിഎഫിന് അടിവേരുള്ള മണ്ഡലമാണ്. ഈ സീറ്റില്‍ ആന വന്നു കുലുക്കിയാലും കുലുങ്ങില്ല. ജാതി അടിസ്ഥാനത്തിലാണ് എല്‍ഡിഎഫ് തൃക്കാക്കരയില്‍ പ്രചാരണം നടത്തുന്നതെന്നും കെ. സുധാകരന്‍ ആരോപിച്ചു.
