വേങ്ങര: വീട്ടില്‍ വില്‍പനയ്ക്കായി സൂക്ഷിച്ച 12 കിലോ കഞ്ചാവുമായി മധ്യവയസ്കന് പിടിയില്‍.
വേങ്ങര കണ്ണാട്ടിപ്പടി നൊട്ടപ്പുറം സ്വദേശി മണ്ണില്‍ വീട്ടില്‍ അനിലിനെയാണ് (50) പോലീസ് അറസ്റ്റ് ചെയ്തത്.
ജില്ല ആന്റി നാര്‍കോട്ടിക് സ്പെഷ്യല്‍ ടീമും വേങ്ങര പോലീസും സംയുകതമായി വേങ്ങര ഗാന്ധിക്കുന്ന് കോളനിയിലെ വീട്ടില്‍നിന്നാണ് പ്രതിയെ പിടികൂടിയത്. ഇയാള്‍ക്കെതിരെ കവര്‍ച്ച, വധശ്രമം തുടങ്ങിയ കേസുകള്‍ നിലവിലുണ്ട്. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.
വേങ്ങര പൊലീസ് ഇന്‍സ്പെക്ടര്‍ മുഹമ്മദ് ഹനീഫ, എസ്.ഐ എം. ഗിരീഷ്, എ.എസ്.ഐ അശോകന്‍, ജില്ല ആന്റി നാര്‍കോട്ടിക് സ്ക്വാഡ് അംഗങ്ങളായ ദിനേഷ് ഇരുപ്പക്കണ്ടന്‍, ആര്. ഷഹേഷ്, കെ. സിറാജുദ്ദീന്‍, മോഹനദാസ്, സല്‍മാന്‍, ഫൈസല്‍, റൈഹാനത്ത് എന്നിവര്‍ ഉള്‍പ്പെട്ട സംഘമാണ് പ്രതിയെ പിടികൂടിയത്.
