അടുത്ത മാസം ഒന്നിന് കൗണ്സിലിംഗ് തുടങ്ങുന്ന സാഹചര്യത്തില് അത് സ്റ്റേ ചെയ്യാനാകില്ലെന്നും കോടതി വ്യക്തമാക്കി. കൗണ്സിലിങ്ങില് കോടതി ഇടപെടില്ല. നീറ്റ് പിജി കൗണ്സലിംഗ് നടക്കട്ടെയെന്നും അത് മുടങ്ങരുതെന്നും ജസ്റ്റിസ് ചന്ദ്രചൂഡ് പറഞ്ഞു. വിദ്യാര്ഥികളുടെ ഭാവി അപകടത്തിലാക്കാന് കഴിയില്ലെന്നും അദ്ദേഹം വ്യക്തമാക്കി.
നീറ്റ് പിജി പരീക്ഷയുടെ ഉത്തരസൂചികയും ചോദ്യപേപ്പറും പുറത്തുവിടാത്ത നാഷണല് ബോര്ഡ് ഓഫ് എക്സാമിനേഷന്സ് ഇന് മെഡിക്കല് സയന്സസിന്റെ തീരുമാനത്തെ ചോദ്യം ചെയ്തുള്ള റിട്ട് ഹര്ജിയിലാണ് കോടതിയുടെ പരാമര്ശം. പരീക്ഷയ്ക്ക് ഹാജരായ വിദ്യാര്ഥികളുടെ മാര്ക്കില് ഗുരുതരമായ പൊരുത്തക്കേടുകള് ഉണ്ടെന്ന് ഹര്ജിക്കാര് ആരോപിച്ചു. മാര്ക്കില് ഗുരുതരമായ പൊരുത്തക്കേടുകള് ഉണ്ടെങ്കിലും പുനര്മൂല്യനിര്ണയം അനുവദിക്കുന്നില്ലെന്നതാണ് ഹര്ജിക്കാരുടെ പ്രധാന പരാതി.