ലണ്ടന്‍: ബ്രിട്ടനിലെ ചാള്‍സ് മൂന്നാമന്‍ രാജാവിന്‍റെ കീരിടധാരണച്ചടങ്ങില്‍ രാജപത്നി കാമില്ല ധരിക്കുന്ന കിരീടത്തില്‍നിന്ന് കോഹിനൂര്‍ രത്നം ഒഴിവാക്കുന്നതിനെക്കുറിച്ച്‌ ബക്കിങാം കൊട്ടാരം ആലോചിക്കുന്നതായി റിപ്പോര്‍ട്ട്.
ഇന്ത്യയിലെ ഭരണകക്ഷിയായ ബിജെപി ഉന്നയിച്ച എതിര്‍പ്പാണ് ഇതിനു കാരണമെന്ന് ‘ദ ടെലിഗ്രാഫ്’ പത്രം റിപ്പോര്‍ട്ട് ചെയ്തു. ഇത്തരം നടപടികള്‍ വേദനാജനകമായ കൊളോണിയല്‍ ഭൂതകാലത്തിന്‍റെ ഓര്‍മകള്‍ ഉണര്‍ത്തുമെന്ന് പാര്‍ട്ടി വക്താവ് പറഞ്ഞതായി പത്രം റിപ്പോര്‍ട്ട് ചെയ്തു.
അടുത്തവര്‍ഷം മേയ് ആറിനാണ് കിരീടധാരണച്ചടങ്ങ്. 105 കാരറ്റുള്ള കോഹിനൂര്‍ അടക്കം 2,800 രത്നങ്ങള്‍ പതിച്ച കിരീടം കാമില ധരിക്കുമെന്നാണ് റിപ്പോര്‍ട്ടുകള്‍.
അടുത്തവര്‍ഷം മേയ് ആറിനാണ് കിരീടധാരണച്ചടങ്ങ്. 105 കാരറ്റുള്ള കോഹിനൂര്‍ അടക്കം 2,800 രത്നങ്ങള്‍ പതിച്ച കിരീടം കാമില ധരിക്കുമെന്നാണ് റിപ്പോര്‍ട്ടുകള്‍.
ബിജെപിയുടെ എതിര്‍പ്പിന്‍റെ പശ്ചാത്തലത്തില്‍ കിരീടത്തില്‍നിന്ന് കോഹിനൂര്‍ ഒഴിവാക്കുന്നതോ, മറ്റു കിരീടങ്ങള്‍ ചടങ്ങിന് ഉപയോഗിക്കുന്നതോ ആലോചനയിലുണ്ടെന്നാണ് പറയുന്നത്.
