കൊച്ചി: ആലുവയില് അഞ്ച് വയസുകാരിയെ ക്രൂരമായി പീഡിപ്പിച്ച് കൊലപ്പെടുത്തിയ കേസില് ശിക്ഷാ വിധി ഇന്ന്. പ്രതി ബിഹാര് സ്വദേശി അസ്ഫാക് ആലത്തിനുള്ള ശിക്ഷയാണ് ഇന്ന് വിധിക്കുന്നത്.
എറണാകുളം പോക്സോ കോടതി ജഡ്ജി കെ സോമനാണ് ശിക്ഷ വിധിക്കുന്നത്.
അസ്ഫാക് ആലത്തിനെതിരെ ചുമത്തിയ മുഴുവൻ കുറ്റങ്ങളും തെളിയിക്കാൻ പ്രൊസിക്യൂഷന് സാധിച്ചിരുന്നു. പ്രതിയ്ക്ക് വധശിക്ഷ നല്കണമെന്നാണ് പ്രൊസിക്യൂഷന്റെ വാദം. 13 വകുപ്പുകളിലാണ് എറണാകുളം പോക്സോ കോടതി അസ്ഫാക് ആലം കുറ്റക്കാരനെന്ന് കണ്ടെത്തിയത്.
ജൂലൈ 28-നാണ് പെണ്കുട്ടിയെ ആലുവ മാര്ക്കറ്റിന് പിന്നിലെ മാലിന്യക്കൂമ്ബാരത്തില് മരിച്ചനിലയില് കണ്ടെത്തിയത്. ഇതര സംസ്ഥാന തൊഴിലാളികളുടെ മകളായ അഞ്ച് വയസുകാരിയെ പ്രതി ബലാത്സംഗം ചെയ്ത് കൊലപ്പെടുതത്തുകയായിരുന്നു.