മുംബൈ: അടുത്ത ലോക്സഭാ തെരഞ്ഞെടുപ്പില് ബിജെപിക്കെതിരെ ഐക്യമുന്നണി രൂപീകരിക്കാനുള്ള പ്രതിപക്ഷ പാര്ട്ടികളുടെ ശ്രമങ്ങള്ക്കിടയില്, കോണ്ഗ്രസില്ലാതെ മൂന്നാം മുന്നണി സാധ്യമല്ലെന്ന് എന്സിപി നേതാവ് ശരദ് പവാര്.
രാജ്യത്തെ രണ്ടാമത്തെ വലിയ പാര്ട്ടി ഇപ്പോഴും കോണ്ഗ്രസ് തന്നെയാണെന്നും അതുകൊണ്ടാണ് അവരെ ഒപ്പം കൊണ്ടുപോകേണ്ടതെന്നും പവാര് പറഞ്ഞു.
ബംഗാള് മുഖ്യമന്ത്രി മമതാ ബാനര്ജി ഉള്പ്പെടെയുള്ള ചില പ്രതിപക്ഷ നേതാക്കള് 2024 ലെ ലോക്സഭാ തെരഞ്ഞെടുപ്പില് പ്രതിപക്ഷ ഐക്യത്തിന് ആഹ്വാനം ചെയ്തിട്ടുണ്ട്. പ്രതിപക്ഷ ഐക്യത്തിനായുള്ള ശ്രമങ്ങളുടെ ഭാഗമായി തെലുങ്കാന മുഖ്യമന്ത്രി കെ. ചന്ദ്രശേഖര് റാവു നേരത്തെ പവാറുമായും മഹാരാഷ്ട്ര മുഖ്യമന്ത്രി ഉദ്ധവ് താക്കറെയുമായും കൂടിക്കാഴ്ച നടത്തിയിരുന്നു.