കുവൈത്ത് സിറ്റി: കുവൈത്തില് അടുത്ത ദിവസങ്ങളില് ചൂട് വര്ധിക്കുമെന്ന് കാലാവസ്ഥ വകുപ്പിന്റെ പ്രവചനം.
ഇപ്പോള് തന്നെ 48 ഡിഗ്രി സെല്ഷ്യസിന് മുകളില് ഉച്ചവെയില് കാഠിന്യം അനുഭവപ്പെടുന്നു. മരുഭൂമി പ്രദേശങ്ങളില് 52 ഡിഗ്രി വരെ താപനില രേഖപ്പെടുത്തുന്നു. ഇത് ഇനിയും വര്ധിക്കുമെന്നാണ് പ്രവചനം. മുന്വര്ഷങ്ങളെ അപേക്ഷിച്ച് ഇത്തവണ നേരത്തെ ചൂടിന് കാഠിന്യമേറി. കടുത്ത ചൂട് അനുഭവപ്പെടുന്ന ജെമിനി ഘട്ടം ജൂലൈ മൂന്ന് മുതല് ജൂലൈ 26 വരെയാണ്. അതിന് ശേഷം മര്സിം എന്ന ഘട്ടത്തിലേക്ക് കടക്കും. ജൂലൈയിലും ആഗസ്റ്റിലും കടുത്ത ചൂട് തന്നെയാകും അനുഭവപ്പെടുക.