പനാജി: ഗോവയില് നാവികസേന വിമാനം കടലില് തകര്ന്നുവീണു. പതിവ് പറക്കലിനിടെ, മിഗ് 29കെ യുദ്ധവിമാനമാണ് തകര്ന്നുവീണത്.
നാവികസേന കേന്ദ്രത്തിലേക്ക് മടങ്ങുന്നതിനിടെ സാങ്കേതികത്തകരാറിനെ തുടര്ന്നാണ് അപകടമെന്നാണ് റിപ്പോര്ട്ടുകള്. തകര്ന്നുവീഴുന്നതിന് മുന്പ് പാരച്യൂട്ടിന്റെ സഹായത്തോടെ പൈലറ്റ് രക്ഷപ്പെട്ടു. പൈലറ്റിന്റെ നില തൃപ്തികരമാണെന്ന് നാവികസേന അറിയിച്ചു.
