പൂനെ: ഭൗറാവു പാട്ടീല്, ജ്യോതിബ ഫൂലെ, ഡോ. ബാബാസാഹേബ് അംബേദ്കര് എന്നിവരെ അധിക്ഷേപിച്ചെന്നാരോപിച്ച് മഹാരാഷ്ട്ര ഉന്നത-സാങ്കേതിക വിദ്യാഭ്യാസ മന്ത്രി ചന്ദ്രകാന്ത് പാട്ടീലിന് നേരെ മഷിയാക്രമണം നടത്തി.
മന്ത്രിയുടെ മുഖത്ത് മഷി എറിഞ്ഞ മൂന്ന് പേരെ ശനിയാഴ്ച അറസ്റ്റ് ചെയ്തിരുന്നു. കഴിഞ്ഞ ദിവസം ചിഞ്ച്വാഡിലാണ് സംഭവം. സ്കൂളുകള് ആരംഭിക്കാന് കര്മ്മവീര് ഭൗറാവു പാട്ടീല്, ജ്യോതിബ ഫൂലെ, ഡോ. ബാബാസാഹേബ് അംബേദ്കര് എന്നിവര് ഭിക്ഷ യാചിച്ചെന്ന പരാമര്ശമാണ് മഷി പ്രയോഗത്തിന് കാരണം. കേസില് കൂടുതല് നടപടി സ്വീകരിക്കുമെന്ന് പൊലീസ് അറിയിച്ചു.