ജയ്പുര്: ബാലവിവാഹത്തിന് നിര്ബന്ധിതനായി, ഒരു കുഞ്ഞിന്റെ അച്ഛനുമായശേഷം നീറ്റ് പരീക്ഷ വിജയിച്ച് എംബിബിഎസ് പ്രവേശനം നേടി താരമായി രാംലാല്.
ആറാം ക്ലാസില് പഠിക്കുമ്ബോള് 11–-ാം വയസ്സിലായിരുന്നു രാജസ്ഥാനിലെ ചിത്തോര്ഗഡ് ജില്ലയില്നിന്നുള്ള രാംലാലിന്റെ കല്യാണം. 20–-ാം വയസ്സില് കുഞ്ഞുമുണ്ടായി. കല്യാണം കഴിഞ്ഞതോടെ സ്കൂളില് പോകുന്നത് വീട്ടുകാര് എതിര്ത്തെങ്കിലും രാംലാല് പഠനം തുടര്ന്നു. ഭാര്യയുടെ പൂര്ണ പിന്തുണയും ലഭിച്ചു.
ഗ്രാമത്തിലെ സര്ക്കാര് സ്കൂളില്നിന്ന് 74 ശതമാനം മാര്ക്കോടെ പത്താം ക്ലാസ് ജയിച്ചു.12–-ാം ക്ലാസില് പഠിക്കുമ്ബോള് 2019ലാണ് ആദ്യമായി നീറ്റ് എഴുതുന്നത്. 350 മാര്ക്ക് നേടി. അടുത്ത രണ്ട് വര്ഷവും സ്വന്തമായി പഠിച്ച് പരീക്ഷ എഴുതി. 2022ല് ഒരു കോച്ചിങ് കേന്ദ്രത്തില് ചേര്ന്നു. അഞ്ചാംശ്രമത്തില് 2023ല് 22––ാം വയസ്സില് ഡോക്ടറാകുകയെന്ന വലിയ സ്വപ്നത്തിലേക്ക് രാംലാല് പറന്നുയര്ന്നു.