അലര്ച്ച കേട്ടപ്പോള് ആനയെന്ന് കരുതിയാണ് താന് തിരിഞ്ഞോടിയത്. ഇതോടെ കടുവ പിന്നാലെ പാഞ്ഞടുത്തു. അടുത്ത വീട്ടിലേക്ക് ഓടിക്കയറാന് ശ്രമിക്കുന്നതിനിടെ കടുവ തന്നെ കടന്ന് മുന്നോട്ട് പോയെന്നും ഇവര് പ്രതികരിച്ചു.
കഴിഞ്ഞ ദിവസം കാട്ടാന കര്ഷകനെ ആക്രമിച്ച പ്രദേശത്താണ് കടുവയെ കണ്ടത്. ഒരു വന്യജീവി വേഗത്തില് റോഡ് മുറിച്ച് കടക്കുന്നതിന്റെ സിസിടിവി ദൃശ്യങ്ങള് പുറത്തുവന്നിട്ടുണ്ട്. എന്നാല് ഇത് കടുവ ആണോ എന്ന് വനംവകുപ്പ് സ്ഥിരീകരിച്ചിട്ടില്ല.
കാല്പ്പാടുകള് ഉള്പ്പെടെ പരിശോധിച്ച ശേഷം വനംവകുപ്പ് ഇക്കാര്യം സ്ഥിരീകരിക്കും. ഒരാളുടെ ജീവനെടുത്ത കാട്ടാനയെ പിടികൂടാന് ഇതുവരെ വനംവകുപ്പിന് കഴിഞ്ഞില്ലെന്നിരിക്കെ കടുവ ഇറങ്ങിയെന്ന വാര്ത്ത കൂടി പരന്നതോടെ നാട്ടുകാര് കടുത്ത പ്രതിഷേധത്തിലാണ്.
പ്രദേശവാസികള് ഇവിടെ റോഡ് ഉപരോധിച്ച് പ്രതിഷേധിക്കുകയാണ്.