കൊച്ചി: നീണ്ട കൊമ്ബും തലപ്പൊക്കവുമുള്ള ലക്ഷണമൊത്ത കൊമ്ബന്. കാലടി മറ്റൂര് തൃക്കയില് മഹാദേവ ക്ഷേത്രത്തില് യന്ത്ര ആനയെ നടക്കിരുത്തി നടി പ്രിയാമണി.
മൃഗ സ്നേഹികളുടെ സംഘടനയായ പെറ്റയുമായി ചേര്ന്നാണ് താരം മെഷീന് ആനയെ സംഭാവന ചെയ്തത്.
അമ്ബലമുറ്റത്ത് നടയിരുത്തിയ മെക്കാനിക്കല് ആനയാണ് ഇനി ക്ഷേത്രചടങ്ങുകളുടെ ഭാഗമാവുക. യഥാര്ത്ഥ ആനയുടെ രീതിയില് തന്നെയാണ് യന്ത്ര ആനയെ തയാറാക്കിയിരിക്കുന്നത്. മൂന്ന് മീറ്റര് ഉയരവും 800 കിലോ ഭാരവും യന്ത്ര ആനയ്ക്കുണ്ട്. ക്ഷേത്രത്തിലേക്ക് മെഷീന് ആനയെ സംഭാവന ചെയ്യാനായതില് സന്തോഷമുണ്ടെന്ന് പ്രിയാമണി പ്രതികരിച്ചു. സുരക്ഷിതയും മൃഗ സൗഹൃദവുമായി വിശ്വാസികള്ക്ക് ആചാരങ്ങളുടെ ഭാഗമാകാമെന്നും താരം പറഞ്ഞു.