ടി20 ലോകകപ്പില് കൂടുതല് പോസിറ്റീവും വ്യത്യസ്തവും ആയ കളിക്കാരനായിരിക്കും ഹാർദിക് പാണ്ഡ്യ എന്ന് ഇതിഹാസതാരം സുനില് ഗവാസ്കർ.
ഐ പി എല്ലില് ഫോമും പ്രശ്നങ്ങളും ഹാർദികിനെ ലോകകപ്പില് ബാധിക്കില്ല എന്നും ഇന്ത്യക്ക് വേണ്ടി ഹാർദിക് മികച്ച പ്രകടനം കാഴ്ചവെക്കും എന്നും ഗവാസ്കർ പറഞ്ഞു.
“നിങ്ങളുടെ രാജ്യത്തിന് വേണ്ടി കളിക്കുന്നതും ഐപിഎല്ലില് കളിക്കുന്നതും തമ്മില് വലിയ വ്യത്യാസമുണ്ട്. നിങ്ങളുടെ രാജ്യത്തിന് വേണ്ടി കളിക്കുന്നത് ഓരോ കളിക്കാരനിലും വ്യത്യസ്തമായ ഊർജ്ജം പകരും, ലോകകപ്പില് ഹാർദിക്ക് വ്യത്യസ്ത കളിക്കാരനായിരിക്കും. ഐ പി എല് ടൂർണമെൻ്റില് അദ്ദേഹത്തിന് ഒരുപാട് പ്രശ്നങ്ങള് നേരിടേണ്ടി വന്നിട്ടുണ്ട്. “ഗവാസ്കർ പറഞ്ഞു.
“അദ്ദേഹം ആ പ്രശ്നങ്ങള് വളരെ നന്നായി കൈകാര്യം ചെയ്തിട്ടുണ്ട്. അതിനാല്, അദ്ദേഹം വിദേശത്ത് പോയി ഇന്ത്യക്ക് വേണ്ടി കളിക്കുമ്ബോള്, അവൻ തികച്ചും വ്യത്യസ്തമായ ഒരു മാനസികാവസ്ഥയിലായിരിക്കും. ഈ ടൂർണമെൻ്റില് നമ്മള് കണ്ടതിനേക്കാള് വളരെ നല്ല മാനസികാവസ്ഥയായിരിക്കും അവൻ ഉണ്ടാവുക. അതിനാല് ലോകകപ്പില് ബാറ്റിംഗിലും ബൗളിംഗിലും ഇന്ത്യക്ക് മികച്ച സംഭാവനകള് ഹാർദിക് നല്കും” ഗവാസ്കർ കൂട്ടിച്ചേർത്തു.