പൊതുജനങ്ങള്ക്കായി വിവരങ്ങള് നല്കുന്നതിനായി ബിഎസ്എഫ് രണ്ട് ബന്ധപ്പെടാനുള്ള നമ്ബറുകളും (9417809047, 0181-2233348) നല്കിയിട്ടുണ്ട്. ‘ഡ്രോണുകള് പിടിച്ചെടുക്കുന്നതിനൊപ്പം ഇതില് ഉള്പെട്ട വ്യക്തികളുടെയോ ഉദ്യോഗസ്ഥരുടെയോ അറസ്റ്റിലേക്ക് നയിക്കുന്ന വ്യക്തിക്ക് ബിഎസ്എഫ് പഞ്ചാബ് ഒരു ലക്ഷം രൂപ പാരിതോഷികം നല്കും’, വക്താവ് പറഞ്ഞു. അത്തരം വിവരങ്ങള് നല്കുന്ന വ്യക്തിയുടെ ഐഡന്റിറ്റി രഹസ്യമായി സൂക്ഷിക്കുമെന്നും ബിഎസ്എഫ് അറിയിച്ചു.
അതിര്ത്തിക്കപ്പുറമുള്ള ഡ്രോണ് ഭീഷണി നേരിടാന് പഞ്ചാബ് ഗവര്ണര് ബന്വാരിലാല് പുരോഹിത് വിവിധ അതിര്ത്തി ജില്ലകളിലെ കേന്ദ്ര-സംസ്ഥാന സുരക്ഷാ ഏജന്സികളുമായി നടത്തിയ ചര്ചകള്ക്ക് ദിവസങ്ങള്ക്ക് ശേഷമാണ് ബിഎസ്എഫിന്റെ തീരുമാനം. ‘സംസ്ഥാനത്തേക്ക് മയക്കുമരുന്ന് കടത്തുന്നത് ഒരു യുദ്ധത്തില് കുറവല്ല. പഞ്ചാബിലെ ജനങ്ങള്ക്ക് നേരെയുള്ള മാരകമായ ആക്രമണമാണിത്. യുവാക്കള്ക്കുള്ള മയക്കുമരുന്ന് വിതരണം നമ്മുടെ പിന്തലമുറയുടെ, നമ്മുടെ ഭാവിയുടെ നേരിട്ടുള്ള ആക്രമണമാണ്’, ഏപ്രില് 12 ന് അമൃത്സറില് നടന്ന യോഗത്തില് ഗവര്ണര് പറഞ്ഞിരുന്നു.
അതേസമയം അതിര്ത്തി ജില്ലകളില് ഗവര്ണറുടെ സന്ദര്ശനം സംസ്ഥാന കാര്യങ്ങളില് കേന്ദ്രത്തിന്റെ ‘ഇടപെടല്’ എന്ന് പ്രതിപക്ഷ നേതാക്കള് അപലപിച്ചു. കഴിഞ്ഞ വര്ഷം ബിഎസ്എഫിന്റെ അധികാരപരിധി രാജ്യാന്തര അതിര്ത്തിയില് നിന്ന് 15 കിലോമീറ്ററില് നിന്ന് 50 കിലോമീറ്ററായി കേന്ദ്രം വര്ധിപ്പിച്ചിരുന്നു. ബിഎസ്എഫിന്റെ പ്രദേശിക അധികാരപരിധി നീട്ടാനുള്ള നീക്കം പഞ്ചാബിലെ രാഷ്ട്രീയ പാര്ടികളില് നിന്ന് ശക്തമായ പ്രതികരണത്തിന് കാരണമായതിനെ തുടര്ന്ന് കേന്ദ്രത്തിന്റെ തീരുമാനത്തെ ചോദ്യം ചെയ്ത് സംസ്ഥാന സര്കാര് സുപ്രീം കോടതിയില് ഹര്ജി നല്കിയിരുന്നു.
നേരത്തെ, ഏപ്രില് 16 ന്, ഡ്രോണുകള് ഉപയോഗിച്ച് അതിര്ത്തിക്കപ്പുറത്ത് നിന്ന് ഹെറോയിന് കടത്തുന്ന ഇന്ഡ്യന് കള്ളക്കടത്തു സംഘത്തെ പഞ്ചാബ് പൊലീസ് പിടികൂടിയിരുന്നു. തരണ് ജില്ലയിലെ ഹവേലിയന് ഗ്രാമത്തില് ഹെറോയിന് സംഘത്തിലെ മൂന്ന് പേരെയും കടത്താന് ഉപയോഗിച്ചിരുന്ന രണ്ട് ഡ്രോണുകളുമാണ് പൊലീസ് പിടികൂടിയത്.