കൊല്ലങ്കോട്: പെട്രോള് പമ്ബ് കവര്ച്ചയുമായി ബന്ധപ്പെട്ട് അന്തര് സംസ്ഥാന ബന്ധമുള്ള രണ്ടുപേര് കൂടി അറസ്റ്റില്.
കണ്ണൂര് മാടായി സ്വദേശി മുഹമ്മദ് ആഷിഖ് (24) ,കോഴിക്കോട് പുതുപ്പാടി, കപ്പിക്കുന്നില് മേല്വീട്ടില് അബ്ദുല് അലി (39) എന്നിവരെയാണ് കൊല്ലങ്കോട് പൊലീസ് അറസ്റ്റ് ചെയ്തത്. ഒന്നാം പ്രതി തൃശൂര് വാടാനപ്പള്ളി രായംമരക്കാര് വീട്ടില് സുഹൈല് ജൂലൈ നാലിന് പിടിയിലായിരുന്നു. മുതലമട കാമ്ബ്രത്ത് ചള്ളയില് പ്രവര്ത്തിക്കുന്ന പെട്രോള് പമ്ബില് മേയ് 25 പുലര്ച്ച രണ്ടിന് 8,71,165 രൂപ കവര്ച്ച നടത്തിയെന്നതാണ് കേസ്. പാലക്കാട്, മലപ്പുറം, തൃശൂര് ജില്ലകളില് അന്വേഷണം നടത്തിയതില് നിന്നാണ് പ്രതികളെക്കുറിച്ച് സൂചന ലഭിച്ചത്.