ഇടുക്കി : തൊടുപുഴ കുടയത്തൂരില് ഉരുള്പൊട്ടലില് ഒരു കുടുംബത്തിലെ അഞ്ച് പേര് മരിച്ചു. സംഗമം കവല മാളിയേക്കല് കോളനിയിലാണ് ഉരുള്പൊട്ടിയത്.
ചിറ്റാലിച്ചാലില് സോമന്റെ വീട് പൂര്ണമായും ഒലിച്ചുപോയി.സോമൻ, അമ്മ തങ്കമ്മ , ഭാര്യ ഷിജി, മകൾ ഷിമ, ഷിമയുടെ മകൻ ദേവാനന്ദ് എന്നിവരാണ് മണ്ണിനടിയിൽ പെട്ടത്. ഇവരിൽ തങ്കമ്മ കൊച്ചുമകൻ ദേവാനന്ദ്, ഷിമ എന്നിവരുടെ മൃതദേഹങ്ങളാണ് ആദ്യം പുറത്തെടുത്തത്. ഡോഗ് സ്ക്വാഡിനെയടക്കം എത്തിച്ച് നടത്തിയ തിരച്ചിലിലാണ് മറ്റ് രണ്ട് പേരുടേയും മൃതദേഹങ്ങള് കണ്ടെത്തിയത്.
ഇന്ന് പുലര്ച്ചെ മൂന്ന് മണിയോടെയാണ് ഉരുള്പൊട്ടലുണ്ടായത്. ഇന്നലെ രാത്രി മുതല് അതിശക്തമായ മഴയാണ് പ്രദേശത്ത് പെയ്യുന്നത്. പ്രദേശത്ത് ആദ്യമായാണ് ഉരുള്പൊട്ടലുണ്ടാകുന്നത.
നാടിനെ നടുക്കിയ സംഭവത്തിന്റെ ഞെട്ടലിൽ നിന്നും പ്രദേശ വാസികൾ ഇപ്പോഴും കരകയറിയിട്ടില്ല.