പനജി: ദൈവത്തോട് അനുമതി ചോദിച്ചിട്ടാണ് കോണ്ഗ്രസ് വിട്ട് ബിജെപിയില് ചേര്ന്നതെന്ന് മുന്മുഖ്യമന്ത്രി ദിഗംബര് കാമത്ത്.
ഗോവയിലെ 11 എംഎല്എമാരില് എട്ടുപേരും പാര്ട്ടിവിട്ട് ബിജെപിയില് ചേര്ന്നതില് മാധ്യമങ്ങളോട് പ്രതികരിക്കുകയായിരുന്നു കാമത്ത്. തെരഞ്ഞെടുപ്പിന് ശേഷം പാര്ട്ടി മാറില്ലെന്ന് രാഹുല് ഗാന്ധിയുടെ സാന്നിധ്യത്തില് അവര് മതഗ്രന്ഥങ്ങളില് തൊട്ട് സത്യം ചെയ്തിരുന്നു. ഈ വിഷയം മാധ്യമപ്രവര്ത്തകര് ചോദിച്ചപ്പോഴാണ് കാമത്ത് ഇക്കാര്യം പറഞ്ഞത്. ബിജെപിയില് ചേരുന്നതിന് മുമ്ബ് താനും ബാക്കിയുള്ള എംഎല്എമാരും ദൈവത്തിന്റെ അനുമതി വാങ്ങിയിരുന്നുവെന്നും ദൈവം സമ്മതിച്ചുവെന്നും അദ്ദേഹം പറഞ്ഞു.
“ഞാന് ദൈവത്തില് വിശ്വസിക്കുന്നുയാളാണ്. തെരഞ്ഞെടുപ്പിന് മുമ്ബ് കോണ്ഗ്രസ് വിടില്ലെന്ന് പ്രതിജ്ഞയെടുത്തു എന്നത് സത്യമാണ്. എന്നാല് ഞാന് വീണ്ടും ക്ഷേത്രത്തില് പോയി. എന്താണ് ചെയ്യേണ്ടതെന്ന് ദൈവത്തോട് ചോദിച്ചു.
നിങ്ങള്ക്ക് നല്ലതെന്തെന്ന് തോന്നുന്നത് ചെയ്യണമെന്ന് ദൈവം എന്നോട് പറഞ്ഞു. അതിന്റെ അടിസ്ഥാനത്തിലാണ് കോണ്ഗ്രസ് വിട്ട് ബിജെപിയില് ചേര്ന്നത്” അദ്ദേഹം മാധ്യമപ്രവര്ത്തകരോട് പറഞ്ഞു. ഗോവ തെരഞ്ഞെടുപ്പിന് ദിവസങ്ങള്ക്ക് മുമ്ബാണ് ജയിച്ചുകഴിഞ്ഞാല് ബിജെപിയില് പോകില്ലെന്ന് രാഹുല് ഗാന്ധിയുടെ സാന്നിധ്യത്തില് കോണ്ഗ്രസ് സ്ഥാനാര്ത്ഥികള് അവര് വിശ്വസിക്കുന്ന ദൈവങ്ങളെ ആണയിട്ട് സത്യം ചെയ്തത്. ഗോവയില് പ്രതിപക്ഷ നേതാവ് മൈക്കിള് ലോബോ, ദിഗംബര് കാമത്ത് എന്നിവര് ഉള്പ്പെടെ കോണ്ഗ്രസിന്റെ എട്ട് എംഎല്എമാരാണ് ബിജെപിയില് ചേര്ന്നത്. ബുധനാഴ്ച, ലോബോയുടെ നേതൃത്വത്തില് ചേര്ന്ന നിയമസഭാ കക്ഷി യോഗത്തില് ബിജെപിയില് ചേരാനുള്ള പ്രമേയം പാസാക്കി. ലോബോയുടെ ഭാര്യ ദെലീല ലോബോ, രാജേഷ് ഫല്ദേശായി, കേദാര് നായിക്, സങ്കല്പ് അമോങ്കര്, അലക്സോ സെക്വീര, റുഡോള്ഫ് ഫെര്ണാണ്ടസ് എന്നിവരാണ് ബിജെപി പാളയത്തിലെത്തിയ മറ്റ് എംഎല്എമാര്. ഇവര് മുഖ്യമന്ത്രി പ്രമോദ് സാവന്തിനെ സന്ദര്ശിച്ചു.