സംസ്ഥാനത്ത് സ്വര്‍ണ വില കുറഞ്ഞു. പവന് 80 രൂപ കുറഞ്ഞ് ഒരു പവൻ സ്വര്‍ണത്തിന് 35,840 രൂപയാണ് വില. ഒരു ഗ്രാമിന് 4,480 രൂപയും. രാജ്യാന്തര വിപണിയിൽ സ്വര്‍ണ വിലയിൽ നേരിയ ഇടിവ് രേഖപ്പെടുത്തി.
ഒരു പവൻ സ്വർണത്തിന് ബുധനാഴ്ച 35,920 രൂപയായിരുന്നു വില. ഒരു ഗ്രാമിന് 4,490 രൂപയും. ആഗസ്റ്റ് ഒന്ന്, രണ്ട് തീയതികളിൽ പവന് 36,000 രൂപയിൽ വില എത്തിയെങ്കിലും പിന്നീട് ഇടിയുകയായിരുന്നു.
ജൂലൈ 16, 20, 30 തീയതികളിലാണ് സ്വര്‍ണ വില കഴിഞ്ഞ മാസത്തെ ഏറ്റവും ഉയര്‍ന്ന നിരക്കിൽ എത്തിയത്. പവന് 36,200 രൂപയായിരുന്നു വില. ജൂലൈ ഒന്നിനാണ് കഴിഞ്ഞ മാസത്തെ ഏറ്റവും കുറഞ്ഞ നിരക്കിൽ വ്യാപാരം നടന്നത് . ഒരു പവൻ സ്വര്‍ണത്തിന് 35,200 രൂപയായിരുന്നു വില.
കുറച്ചു നാളുകളായി സ്വർണ്ണ വിപണിയിൽ അനിശ്ചിതത്വം തുടരുകയാണ്. കൂടിയും കുറഞ്ഞും വില ഒരു മാസമായി ചാഞ്ചാട്ടത്തിലാണ്. രാജ്യാന്തര വിപണിയിലെ മാറ്റങ്ങളാണ് ആഭ്യന്തര വിപണിയിലും പ്രകടമാകുന്നത്.
വിവിധ സംസ്ഥാനങ്ങളിലെ നികുതിയും മറ്റും അടിസ്ഥാനമാക്കി രാജ്യത്തെ വിവിധ നഗരങ്ങളിൽ സ്വര്‍ണ വിലയിൽ വ്യത്യാസമുണ്ട്.
ജ്വല്ലറികളില്‍ ഹാള്‍മാര്‍ക്കിംഗ് ഇല്ലാത്ത സ്വര്‍ണം വില്‍ക്കാനാകില്ല. സ്വര്‍ണത്തിന്റെ പരിശുദ്ധി ഉറപ്പാക്കാനാണ് ഈ തീരുമാനം. ഇതനുസരിച്ച് ബിഐഎസ് ഹാള്‍മാര്‍ക്ക് രജിസ്ട്രേഷനില്ലാത്ത കടകള്‍ക്ക് സ്വര്‍ണം വില്‍ക്കാനാകില്ല.
