സാങ്കേതിക വശങ്ങള് പരിഗണിച്ചാല് പ്രതിഭ എന്ന് തന്നെ വിളിക്കാവുന്ന സംവിധായകനാണ് എസ് എസ് രാജമൗലി.
ഇന്ത്യന് സിനിമയിലെ ഏറ്റവും മികച്ച കഥാകാരന്മാരില് ഒരാളെന്ന് നിസംശയം പറയാം. ആദ്യമായി സംവിധാനം ചെയ്ത സ്റ്റുഡന്റ് നമ്ബര് 1 മുതല് തന്റെ സമീപകാല ബോക്സ് ഓഫീസ് തകര്ത്ത ആര്ആര്ആര് വരെ, രാജമൗലി എല്ലായ്പ്പോഴും തന്റെ മികച്ച ഭാവനയിലൂടെ സിനിമാ അതിരുകള് മറികടക്കാന് ശ്രമിച്ചിട്ടുണ്ട്.
ആകര്ഷകമായ തിരക്കഥകള്, ശക്തമായ കഥാപാത്രങ്ങള്, മനസ്സിനെ ത്രസിപ്പിക്കുന്ന ആക്ഷന് സീക്വന്സുകള്, ഭാവനയുടെ മനോഹാരിത എന്നിവയാണ് രാജമൗലി സിനിമകളുടെ പ്രത്യേകത. കരിയരില് ഒരു ഫ്ലോപ്പ് സിനിമയും നല്കാത്ത, ദേശീയ പുരസ്കാര ജേതാവ് കൂടിയാണ് അദ്ദേഹം. ഇന്ന് തന്റെ 49-ാം ജന്മദിനം ആഘോഷിക്കുന്ന രാജമൗലിയുടെ കാണാതെ പോകരുതാത്ത സിനിമകള് ഏതൊക്കെയെന്ന് നോക്കാം.
സെയ്- രാജമൗലിയുടെ ഏറ്റവും അണ്ടര്റേറ്റഡ് സൃഷ്ടികളിലൊന്നായി കണക്കാക്കപ്പെടുന്ന നിതിന് അഭിനയിച്ച സെയ് തെലുങ്ക് പ്രേക്ഷകരെ റഗ്ബിയിലേക്ക് കൊണ്ടുവരുന്നു. ഇമോഷണല് ഡ്രാമയും വാണിജ്യ ചേരുവകളും കൊണ്ട് പ്രേക്ഷകരെ വിസ്മയിപ്പിച്ച ശേഷം, ചലച്ചിത്ര നിര്മ്മാതാവ് ജെനീലിയ ഡിസൂസയെ അവതരിപ്പിക്കുന്ന ഒരു സ്പോര്ട്സ് നാടകം പരീക്ഷിക്കുകയും മറ്റൊരു സൂപ്പര്ഹിറ്റ് തന്റെ പേരില് കുറിക്കുകയും ചെയ്തു.
ഛത്രപതി – 2004ലെ സ്പോര്ട്സ് ഡ്രാമയ്ക്ക് ശേഷം, 2005-ല് രാജമൗലി ഒരു ആക്ഷനുമായി മടങ്ങിയെത്തി. പ്രഭാസുമായുള്ള അദ്ദേഹത്തിന്റെ ആദ്യ സിനിമയായിരുന്നു ഇത്. ബോക്സ് ഓഫീസില് പണം വാരി പടങ്ങളിലൊന്നായി സിനിമ മാറി. 1983-ല് പുറത്തിറങ്ങിയ ഹോളിവുഡ് ചിത്രമായ സ്കാര്ഫേസിന്റെ റീമേക്ക് ആയിരുന്നു ഈ ചിത്രം, പ്രഭാസിന്റെ ശിവാജി എന്ന കഥാപാത്രം സിനിമാ പ്രേക്ഷകര് ഇരുംകൈയും നീട്ടി സ്വീകരിച്ചു
മഗധീര- ആയിരം ദിവസം തിയേറ്ററില് ഓടിയ ഏറ്റവും കൂടുതല് ഓടിയ ദക്ഷിണേന്ത്യന് സിനിമകളില് ഒന്നായ മഗധീരക്ക് പ്രേക്ഷകര്ക്കിടയില് വലിയ സ്വീകാര്യതയാണ് ലഭിച്ചത്. പുനര്ജന്മത്തിന്റെ പ്രമേയത്തെ അടിസ്ഥാനമാക്കി, മഗധീര ഹിന്ദിയില് രാബ്ത എന്ന പേരില് പുനര്നിര്മ്മിച്ചു, അതില് സുശാന്ത് സിംഗ് രജ്പുതും കൃതി സനോനും അഭിനയിച്ചു.
ഈഗ- രണ്ട് ദേശീയ അവാര്ഡുകള് നേടിയ ഈഗ, കിച്ച സുദീപ്, സാമന്ത റൂത്ത് പ്രഭു, നാനി എന്നിവര്ക്ക് രാജ്യവ്യാപകമായി അംഗീകാരം നേടിക്കൊടുത്തു. രാജമൗലിയുടെ തിരക്കഥ വളരെ മികച്ചതായിരുന്നു, ഒരിക്കലും നടക്കാത്ത കഥ യഥാര്ത്ഥത്തില് നടക്കുന്നതുപോലെ തോന്നിപ്പിച്ചു. ചിത്രം പ്രേക്ഷകര്ക്ക് വളരെയധികം ഇഷ്ടപ്പെട്ടതിനാല് ആ വര്ഷത്തെ ഏറ്റവും കൂടുതല് കളക്ഷന് നേടിയ ചിത്രമായി ഇത് മാറി.
ബാഹുബലി സീരീസ്- രണ്ട് ബാഹുബലി സിനിമകളിലും നിക്ഷേപിച്ച പണത്തെക്കുറിച്ച് ആളുകള് വീണ്ടും വീണ്ടും ചര്ച്ചചെയ്യുമ്ബോള്, ഈ സ്കെയിലിലുള്ള ഒരു പ്രോജക്റ്റ് ഒരുക്കാനുള്ള ഒരു വ്യക്തിയുടെ കാഴ്ചപ്പാടിനെ കുറിച്ചുകൂടിയാണ് ചര്ച്ച വേണ്ടത്. ബാഹുബലിയിലൂടെ രാജമൗലി നേടിയ വിജയം, മറ്റ് സംവിധായകരെ അവരുടെ വലിയ പ്രൊജക്റ്റുകളുമായി മുന്നോട്ട് കൊണ്ടുപോകാന് പ്രേരിപ്പിച്ചുവെന്ന് പറയുന്നതില് തെറ്റില്ല.
ആര്ആര്ആര്- തെന്നിന്ത്യന്, ബോളിവുഡ് സിനിമകളിലെ അഭിനേതാക്കളെ സംയോജിപ്പിച്ച് രാജമൗലി ഈ വര്ഷം നമുക്ക് നല്കിയ മനോഹര ചിത്രം. സിനിമ വലിയ ചര്ച്ചയായതിനൊപ്പം നിരൂപകരില് നിന്നും ആരാധകരില് നിന്നും വലിയ സ്നേഹവും പ്രശംസയും ലഭിച്ചു. എസ്എസ് രാജമൗലിയുടെ ഏറ്റവും ഒടുവിലായി പുറത്തിറങ്ങിയ സിനിമ, ഓസ്കാറിനായി എല്ലാ പ്രധാന വിഭാഗങ്ങളിലേക്കും നാമനിര്ദേശം ചെയ്യപ്പെട്ടു.