രാഷ്ട്രീയ പ്രഖ്യാപനം നടത്താന് പൊലീസിന് ആരാണ് അധികാരം നല്കിയതെന്ന് കോണ്ഗ്രസ് നേതാവ് ബിന്ദു കൃഷ്ണ.
നടന് ജോജു ജോര്ജിനെതിരെ കേസെടുക്കണമെന്നാവശ്യപ്പെട്ട് മരട് പൊലീസ് സ്റ്റേഷനിലേക്ക് മഹിളാ കോണ്ഗ്രസ് നടത്തിയ മാര്ച്ചില് സംസാരിക്കുകയായിരുന്നു അവര്.
നടന് ജോജു ജോര്ജ് അപമാനിച്ചുവെന്ന് പൊതു പ്രവര്ത്തകരായ സ്ത്രീകള് പരാതി നല്കിയിട്ട് പത്തു ദിവസം കഴിഞ്ഞുവെന്ന് അവര് പറഞ്ഞു. ഇതുവരെയും പൊലീസ് നടപടി എടുത്തിട്ടില്ല. പരാതി നല്കിയതിന്റെ അടുത്ത ദിവസം തന്നെ സിറ്റി പൊലീസ് കമീഷണര് രാഷ്ട്രീയ പ്രഖ്യാപനം നടത്തുകയായിരുന്നുവെന്ന് അവര് പറഞ്ഞു. ജോജുവിനെതിരെ കേസെടുക്കാനാകില്ലെന്നാണ് കമീഷണര് പറഞ്ഞത്. ജോജു ജോര്ജനെന്താ കൊമ്ബുണ്ടോയെന്നും ബിന്ദു കൃഷ്ണ ചോദിച്ചു.
പരാതി നല്കിയാല് മൊഴി എടുക്കാനുള്ള ബാധ്യത പൊലീസിനുണ്ട്. മൊഴി പോലും എടുക്കാതെ രാഷ്ട്രീയ പ്രഖ്യാപനം നടത്താന് ആരാണ് കമീഷണര്ക്ക് അധികാരം നല്കിയത്. എ.കെ.ജി സെന്ററില് നിന്നല്ല പൊലീസിന് ശമ്ബളം കൊടുക്കുന്നത്. പൊതുജനം നല്കുന്ന നികുതി പണത്തില് നിന്നാണ് പൊലീസിന് ശമ്ബളം നല്കുന്നതെന്നും അവര് പറഞ്ഞു.