തിരുവനന്തപുരം: കേരള സര്‍വ്വകലാശാലയില്‍ ജോണ്‍ ബ്രിട്ടാസ് എം പി നടത്താനിരുന്ന പ്രഭാഷണം തടഞ്ഞ് വൈസ് ചാന്‍സലര്‍.
തിരഞ്ഞെടുപ്പ് പെരുമാറ്റച്ചട്ടം ചൂണ്ടികാട്ടിയാണ് നടപടി. ‘ഇന്ത്യന്‍ ജനാധിപത്യം, വെല്ലുവിളികളും കടമകളും’ എന്ന വിഷയത്തിലായിരുന്നു പ്രഭാഷണം നടത്തേണ്ടിയിരുന്നത്.
ഇന്ന് ഉച്ചയ്ക്ക് 1.15 ന് യൂണിവേഴ്സിറ്റി എംപ്ലേയീസ് ഹാളിലായിരുന്നു പരിപാടി നടക്കേണ്ടിയിരുന്നത്. ഇടതുജീവനക്കാരുടെ സംഘടനയായ യൂണിവേഴ്സിറ്റി എംപ്ലോയീസ് യൂണിയനാണ് പ്രതിമാസ പ്രഭാഷണ പരമ്ബര സംഘടിപ്പിച്ചത്. എല്ലാ മാസവും പരമ്ബര നടത്താറുണ്ടെന്നും പ്രഭാഷണ പരമ്ബര പൊതുപരിപാടിയല്ലെന്നും യൂണിയന്‍ ഭാരവാഹികള്‍ പറഞ്ഞു. പരിപാടി നടത്തരുതെന്ന് തിരഞ്ഞെടുപ്പ് കമ്മീഷനോ യൂണിവേഴ്സിറ്റി രജിസ്ട്രാറോ നിര്‍ദേശം നല്‍കിയിട്ടില്ലെന്നും ഭാരവാഹികള്‍ പറഞ്ഞു.
