ന്യൂഡല്ഹി: നടിയെ ആക്രമിച്ച കേസിലെ പ്രതിപ്പട്ടികയില് നിന്ന് ഒഴിവാക്കണമെന്ന് ആവശ്യപ്പെട്ട് നല്കിയ ഹര്ജി ദിലീപ് പിന്വലിച്ചു.
ഹര്ജി പിന്വലിക്കാന് അനുവദിക്കണമെന്ന ദിലീപിന്റെ ആവശ്യം സുപ്രീം കോടതി അംഗീകരിച്ചു. വിടുതല് ഹര്ജി തള്ളിക്കൊണ്ട് വിചാരണ കോടതി നടത്തിയ ചില പരാമര്ശങ്ങള്ക്കെതിരെ ആവശ്യമെങ്കില് പിന്നീട് കോടതിയെ സമീപിക്കാനും ദിലീപിന് സുപ്രീം കോടതി അനുമതി നല്കി.
വിടുതല്ഹര്ജി തള്ളിയതിന് എതിരെ 2020 ജനുവരിയിലായിരുന്നു ദിലീപ് സുപ്രീംകോടതിയില് ഹര്ജി നല്കിയത്. ഈ ഹര്ജിയുമായി മുന്നോട്ട് പോകുന്നില്ലെന്ന് ദിലീപിന് വേണ്ടി ഹാജരായ അഭിഭാഷകന് ഫിലിപ്പ് ടി. വര്ഗീസ് കോടതിയെ അറിയിച്ചു. വിചാരണക്കോടതിയില് ഇതിനോടകം 202 സാക്ഷികളുടെ വിസ്താരം പൂര്ത്തിയായതായും അദ്ദേഹം കോടതിയെ അറിയിച്ചു.