ഷാര്ജ: ലോകാരോഗ്യ സംഘടനയുടെ ആരോഗ്യ നഗരമെന്ന അംഗീകാരം വീണ്ടും ഷാര്ജക്ക്. അല് ബാദി പാലസില് നടന്ന ചടങ്ങില് സുപ്രീം കൗണ്സില് അംഗവും ഷാര്ജ ഭരണാധികാരിയുമായ ശൈഖ് ഡോ.
സുല്ത്താന് ബിന് മുഹമ്മദ് അല് ഖാസിമി സര്ട്ടിഫിക്കേഷന് സ്വീകരിച്ചു. ആരോഗ്യകരമായ നഗരങ്ങളുടെ ആവശ്യകതകളും മാനദണ്ഡങ്ങളും 100 ശതമാനം പൂര്ത്തീകരിച്ചതിനുശേഷമാണ് ഷാര്ജക്ക് അന്താരാഷ്ട്ര അംഗീകാരം ലഭിക്കുന്നത്. പൊതുജനാരോഗ്യവും പരിസ്ഥിതിയും പ്രധാന മുന്ഗണനകളില് ഉള്പ്പെടുത്തിയാണ് ആരോഗ്യ മേഖലയിലും അടിസ്ഥാന സൗകര്യ വികസനത്തിലും ഷാര്ജ കുതിച്ചുചാട്ടം നടത്തിയത്. ലോകാരോഗ്യ സംഘടനയുടെ പ്രതിനിധിസംഘം ശൈഖ് സുല്ത്താന്റെ പരിശ്രമങ്ങളെ അഭിനന്ദിച്ചു.