പാലക്കാട്: കാറില് കടത്താന് ശ്രമിച്ച 188 കിലോ കഞ്ചാവുമായി രണ്ടു യുവാക്കള് എക്സൈസ് പിടിയില്. പെരുമ്ബാവൂര് തണ്ടേക്കാട് പുത്തന് വീട്ടുപറമ്ബില് മുഹമ്മദ് ബിലാല് (ബിനു -37), പഴയന്നൂര് കല്ലേപ്പാടം പന്തലാംകുണ്ട് വീട്ടില് അഭിത്ത് (24) എന്നിവരാണ് അറസ്റ്റിലായത്.
ഇവരില് നിന്ന് രണ്ട് വടിവാളുകളും വ്യത്യസ്ത നമ്ബറുകളിലുള്ള നമ്ബര് പ്ലേറ്റുകളും കണ്ടെത്തിയിട്ടുണ്ട്.
വാളയാര് ടോള് പ്ലാസക്ക് സമീപം വെള്ളിയാഴ്ച രാത്രി 12.30-ന് ആണ് ഇവര് പിടിയിലായത്. സ്റ്റേറ്റ് എക്സൈസ് സ്പെഷല് സ്ക്വാഡ് ആണ് ടോള് പ്ലാസക്ക് സമീപം നടത്തിയ പരിശോധനയില് ഇവരെ പിടികൂടിയത്. തൃശൂര് കേന്ദ്രീകരിച്ച് വില്പനക്കായി ആന്ധ്രയില് നിന്ന് എത്തിച്ച കഞ്ചാവ് ടോള് പ്ലാസക്ക് സമീപമുള്ള ബസ്സ്റ്റോപ്പില് വെച്ച് പൊതികളാക്കി വേറൊരു കാറിലേക്ക് മാറ്റുന്നതിനിടയിലാണ് പ്രതികള് പിടിയിലായത്.
പിടികൂടിയ കഞ്ചാവിന് 90 ലക്ഷം വിലവരുമെന്നും കഞ്ചാവ് മറ്റുള്ളവര് തട്ടിയെടുക്കാതിരിക്കാനാണ് പ്രതികള് ആയുധം കൈവശം വെച്ചതെന്നും എക്സൈസ് സംഘം പറഞ്ഞു. പ്രതികള് സഞ്ചരിച്ച കാറും കസ്റ്റഡിയിലെടുത്തു. പ്രതികളെ കോടതിയില് ഹാജരാക്കി.