കുമളി: സമൂഹമാധ്യമങ്ങള്‍ വഴി പരിചയപ്പെടുന്ന പെണ്‍കുട്ടികള്‍ക്ക് നഗ്നചിത്രങ്ങള്‍ അയച്ചുനല്‍കിയ യുവാവിനെ കണ്ണൂര്‍ പെരിങ്ങത്തുനിന്ന് കുമളി പൊലീസ് അറസ്റ്റ് ചെയ്തു.
കണ്ണൂര്‍ പയ്യന്നൂര്‍ ആനക്കുഴി വീട്ടില്‍ സനൂപിനെയാണ് (28) കുമളി ഇന്‍സ്പെക്ടര്‍ ജോബിന്‍ ആന്‍റണിയും സംഘവും കണ്ണൂരിലെത്തി അറസ്റ്റ് ചെയ്തത്. കുമളി സ്വദേശിനിയായ പെണ്‍കുട്ടിയെ പരിചയപ്പെട്ട ശേഷം നിരന്തരമായി ഇയാള്‍ നഗ്നചിത്രങ്ങളും വിഡിയോയും അയച്ചു നല്‍കിയതായി പൊലീസ് പറഞ്ഞു. ഇതേ കേസില്‍ ദിവസങ്ങള്‍ക്ക് മുമ്ബ് മൂലമറ്റം സ്വദേശിയും കട്ടപ്പനയില്‍ താമസക്കാരനുമായ ബിനോയിയെ (42) അറസ്റ്റ് ചെയ്തിരുന്നു. പ്രതിയെ റിമാന്‍ഡ് ചെയ്തു.
