തൃശൂര്‍: പൂരം വെടിക്കെട്ട് കാണാന്‍ നിയന്ത്രണത്തില്‍ ഇളവ്. സ്വരാജ് റൗണ്ടില്‍ കാണികളെ അനുവദിക്കാത്ത സാഹചര്യത്തില്‍ സ്വരാജ് റൗണ്ടിലെ കെട്ടിടങ്ങള്‍ക്ക് മുകളില്‍ നിന്ന് വെടിക്കെട്ട് കാണാനുള്ള അവസരമാണ് ഒരുക്കിയത്.
ബലക്ഷയമുള്ള 144 കെട്ടിടങ്ങളില്‍ കയറരുതെന്നും നിര്‍ദേശമുണ്ട്. പൊലീസും ദേവസ്വം ബോര്‍ഡും ചേര്‍ന്ന് നടത്തിയ ചര്‍ച്ചയിലാണ് ഇക്കാര്യത്തില്‍ തീരുമാനമായത്. കെട്ടിടങ്ങളില്‍ നിന്ന് വെടിക്കെട്ട് കാണേണ്ടവര്‍ രണ്ട് മണിക്കൂര്‍ മുമ്ബ് ഇവിടങ്ങളില്‍ എത്തിച്ചേരണം.
സ്വരാജ് റൗണ്ടില്‍ കാണികളെ അനുവദിക്കാനാവാത്തതിനെത്തുടര്‍ന്നാണ് സംസ്ഥാനം ബദല്‍മാര്‍ഗം തീരുമാനിച്ചത്. പെസ പ്രതിനിധികള്‍ വൈകീട്ട് വെടിക്കെട്ട് നടക്കുന്ന തേക്കിന്‍കാട് മൈതാനത്ത് പരിശോധനക്ക് എത്തുന്നു.
തീരുമാനത്തില്‍ പെസ ഉറച്ചുനിന്നാല്‍ സ്വരാജ് റൗണ്ടില്‍ കാണികളുണ്ടാവില്ല.
