മുഖ്യമന്ത്രിക്കെതിരെ ഗുരുതര ആരോപണങ്ങളുമായി സ്വര്ണ്ണക്കടത്ത് കേസിലെ പ്രതി സ്വപ്ന സുരേഷ്. മുഖ്യമന്ത്രിക്കും കുടുംബത്തിനും സ്വര്ണ്ണക്കടത്തില് പങ്കുണ്ടെന്നാണ് സ്വപ്ന സുരേഷ് പറഞ്ഞത്. എറണാകുളം ജില്ലാ കോടതി മുമ്പാകെ 164 പ്രകാരം മൊഴി നല്കി പുറത്തിറങ്ങവേ മാധ്യമങ്ങളോടാണ് സ്വപ്നാ സുരേഷ് ഈ വെളിപ്പെടുത്തല് നടത്തിയത്.
മുഖ്യമന്ത്രി പിണറായി വിജയനും ഭാര്യക്കും മകള്ക്കും ദൂബായ് സ്വര്ണ്ണക്കടത്ത് കേസുമായി ബന്ധമുണ്ടെന്നാണ് സ്വപ്നാ സുരേഷ് പറഞ്ഞത്. സ്വര്ണ്ണക്കളളക്കടത്ത് കേസുമായി മുഖ്യമന്ത്രിക്കും കുടുംബത്തിനും ബന്ധമുണ്ടെന്ന ആരോപണം ഇതാദ്യമായാണ് സ്വപ്ന ഉന്നയിക്കുന്നത്.
2016 ല് മുഖ്യമന്ത്രിയുടെ ദുബായ് സന്ദര്ശത്തിനിടെ അത്യവശ്യമായി ഒരു ബാഗ് കേരളത്തില് നിന്ന്കൊടുത്തയക്കണമെന്നാവശ്യപ്പെട്ട് ശിവശങ്കര് അന്ന് കോണ്സുലേറ്റിലുണ്ടായിരുന്ന തന്നെ വിളിച്ചെന്നും അതില് മുഴുവന് കറന്സിയായിരുന്നെന്നും സ്വപ്ന സുരേഷ് പറഞ്ഞു.
അതോടൊപ്പം ബിരിയാണി ചെമ്പ് എന്ന പേരില് ദുബായ് കോണ്സുലേറ്റില് വന്നവയെല്ലാം ക്ളിഫ് ഹൗസിലേക്ക് കൊടുത്തുവിട്ടുവെന്നും അതില് ബിരിയാണി വയ്കാനുള്ള പാത്രങ്ങള് മാത്രമല്ല മറ്റെന്തോ ഉണ്ടായിരുന്നുവെന്നുമാണ് സ്വപ്ന മാധ്യമ പ്രവര്ത്തകരോട് പറഞ്ഞത്
മുഖ്യമന്ത്രിക്കും കുടുംബാംഗങ്ങള്ക്കും പുറമേ അന്ന് മന്ത്രിയായിരുന്ന കെ.ടി. ജലീല് , ഉദ്യോഗസ്ഥരായിരുന്ന സി.എം. രവീന്ദ്രന്, നളിനി നെറ്റോ എന്നിവര്ക്ക് ഇതിലുള്ള പങ്കും കോടതിയിലെ രഹസ്യമൊഴിയില് പറഞ്ഞിട്ടുണ്ടെന്ന് സ്വപ്ന സുരേഷ് മാധ്യമങ്ങളോട് പറഞ്ഞു.