നാദാപുരം: നാദാപുരത്ത് കോളജ് വിദ്യാര്ഥിനിയെ വെട്ടിപ്പരിക്കേല്പ്പിച്ച കേസില് പ്രതി അറസ്റ്റില്.
മൊകേരി മുറുവശ്ശേരി സ്വദേശി ഏച്ചിത്തറേമ്മല് റഫ്നാസ് ആണ് അറസ്റ്റിലായത്.
ഇന്നലെയാണ് നാദാപുരത്ത് കോളജ് വിദ്യാര്ഥിനിയെ വെട്ടിക്കൊല്ലാന് യുവാവ് ശ്രമിച്ചത്. ഗുരുതര പരിക്കേറ്റ കല്ലാച്ചി ഹൈടെക് കോളജ് ഒന്നാം വര്ഷ ഡിഗ്രി വിദ്യാര്ഥിനി പേരോട്ടെ തട്ടില് അലിയുടെ മകള് നയിമ (19) കോഴിക്കോട്ട് സ്വകാര്യ ആശുപത്രിയില് ചികിത്സയിലാണ്. സംഭവശേഷം കൈഞരമ്ബ് മുറിച്ചു ആത്മഹത്യക്ക് ശ്രമിച്ച മൊകേരി മുറവശ്ശേരി സ്വദേശി എച്ചിറോത്ത് റഫ്നാസിനെ (22) നാട്ടുകാര് കീഴടക്കി പൊലീസില് ഏല്പിച്ചിരുന്നു.
വ്യാഴാഴ്ച ഉച്ചക്ക് രണ്ടോടെ പേരോട് പാറക്കടവ് റോഡില് നയിമയുടെ വീടിനടുത്താണ് സംഭവം. കോളജില് നിന്ന് ക്ലാസ് കഴിഞ്ഞ് പേരോട് ബസ് ഇറങ്ങി വീട്ടിലേക്ക് വരുന്നതിനിടെ വീടിന് ഏതാനും മീറ്റര് അകലെ വെച്ചാണ് യുവാവ് വെട്ടിയത്. സമീപത്തെ ആളൊഴിഞ്ഞ പറമ്ബില് കാത്തുനിന്ന റഫ്നാസ് കൈയില് കരുതിയ കൊടുവാള് കൊണ്ട് വെട്ടുകയായിരുന്നു. പെണ്കുട്ടിയുടെ തലയുടെ പിന്വശത്തും ശരീരത്തിലുമായി എട്ടോളം മുറിവുകളുണ്ട്.
യുവാവിന്റെ ബൈക്കില് നിന്ന് പ്ലാസ്റ്റിക് ബോട്ടിലില് സൂക്ഷിച്ച പെട്രോളും തുണിക്കഷണങ്ങളും പൊലീസ് കണ്ടെത്തി. യുവതിയെ കൊലപ്പെടുത്തിയ ശേഷം സ്വയം മരിക്കാനായിരുന്നു യുവാവിന്റെ തീരുമാനമെന്നാണ് പൊലീസ് അനുമാനിക്കുന്നത്. ആക്രമണത്തിനിടയില് കൈക്ക് മുറിവേല്പിച്ച യുവാവ് വടകര ആശുപത്രിയിലാണ്.
റഫ്നാസ് കല്ലാച്ചിയിലെ റെഡിമെയ്ഡ് ഷോപ്പില് ജോലി ചെയ്തു വരുകയാണ്. ഇവര് തമ്മില് മുന്പരിചയമുണ്ടെന്ന് നാട്ടുകാര് പറയുന്നു.