കുവൈത്ത് സിറ്റി: ഫോറം ഓഫ് കാഡ് യൂസേഴ്സ് (ഫോക്കസ്) കുവൈത്ത് അംഗങ്ങളുടെ തൊഴിലഭിരുചി വര്‍ധിപ്പിക്കാന്‍ പുതിയ സോഫ്റ്റ് വെയറുകളില്‍ അവബോധമുണ്ടാക്കുന്ന ക്ലാസുകളുടെയും ശില്പശാലകളുടെയും ഉദ്ഘാടനം അല്‍മുല്ല എക്സ്ചേഞ്ച് ജനറല്‍ മാനേജര്‍ ഫിലിപ് കോശി നിര്‍വഹിച്ചു.
പ്രസിഡന്റ് സലിംരാജ് അധ്യക്ഷത വഹിച്ചു.
ജനറല്‍ സെക്രട്ടറി ഡാനിയേല്‍ തോമസ് സ്വാഗതവും ജോയന്റ് സെക്രട്ടറി സുനില്‍ ജോര്‍ജ് നന്ദിയും പറഞ്ഞു. ഓട്ടോകാഡ് ക്ലൗഡിനെക്കുറിച്ചുള്ള വെബിനാറില്‍ ഒമനിക്സ് ഇന്റര്‍നാഷനല്‍ ഇന്‍സ്ട്രക്ടര്‍മാരായ താരകേശ്, പ്രഭു എന്നിവരും റിവിറ്റ്, ഓട്ടോകാഡ് ക്ലാസുകള്‍ ഫോക്കസ് കാഡ് ടീം കണ്‍വീനര്‍ രതീഷ് കുമാറും നിര്‍വഹിച്ചു.
ഒമനിക്സ് കുവൈത്ത് മാനേജര്‍ നജീബ് ഇബ്രാഹിം, ഹുസെഫ അബ്ബാസി എന്നിവര്‍ സംസാരിച്ചു. കാഡ് ടിപ്സുകളെക്കുറിച്ചുള്ള ചോദ്യോത്തരങ്ങളില്‍ വിജയികളായ അന്‍സില നൗഫല്‍, സാലു അജിത്ത് എന്നിവര്‍ക്കും ക്ലാസുകളില്‍ പങ്കെടുത്തവരില്‍നിന്ന് നറുക്കെടുപ്പില്‍ വിജയിച്ച വി.കെ. ഷാഹിദ്, പ്രേംകിരണ്‍ എന്നിവര്‍ക്കും സമ്മാനം നല്‍കി. പരിപാടികള്‍ക്ക് വൈസ് പ്രസിഡന്റ് റെജികുമാര്‍, ട്രഷറര്‍ സി.ഒ. കോശി, ജോയന്റ് ട്രഷറര്‍ ജേക്കബ് ജോണ്‍, വെബ് മാസ്റ്റര്‍ കെ.ബി. അനില്‍, സൈമണ്‍ ബേബി, ശ്രീകുമാര്‍, ജോജി മാത്യു, ഉപദേശക സമിതി അംഗം റോയ് എബ്രഹാം, സന്തോഷ് കുമാര്‍ എന്നിവരും മറ്റ് മേഖല, യൂനിറ്റ് ഭാരവാഹികളും നേതൃത്വം നല്‍കി.
തുടര്‍പരിശീലന ക്ലാസുകളില്‍ പങ്കെടുക്കാന്‍ താല്‍പര്യമുള്ളവര്‍ 66504992, 55422018, 57994262, 99687825 നമ്ബറുകളില്‍ ബന്ധപ്പെടണം.
