എന്നാല് ഭര്ത്താവ് അബോര്ഷന് ചെയ്യാന് അനുവദിച്ചില്ല. തുടര്ന്ന് ഗര്ഭച്ഛിദ്ര ഗുളിക വാങ്ങി നല്കാന് പ്രീതി ഭര്ത്താവിനോട് ആവശ്യപ്പെട്ടിരുന്നതായി പൊലീസ് പറഞ്ഞു.
എന്നാല് ഭര്ത്താവ് ഗുളിക വാങ്ങി നല്കിയിരുന്നില്ല. തുടര്ന്ന് തിങ്കളാഴ്ച രാത്രി ഭര്ത്താവ് വീട്ടില് ഇല്ലാത്ത സമയത്ത് പ്രീതി ഗുളിക വാങ്ങി കഴിക്കുകയായിരുന്നു. ഗുളിക കഴിച്ചശേഷം യുവതിക്ക് കഠിനമായ വേദനയും അമിതമായ രക്തസ്രാവവും ഉണ്ടായി.
വേദന മൂലം പ്രീതി അവശയായെങ്കിലും ആശുപത്രിയില് പോവാന് വിസമ്മതിക്കുകയായിരുന്നു.പിന്നീട് അബോധാവസ്ഥയില് ആയ പ്രീതിയെ ഭര്ത്താവും സഹോദരനും ചേര്ന്ന് ആശുപത്രിയില് എത്തിച്ചെങ്കിലും മരണപ്പെടുകയായിരുന്നു. പ്രാഥമിക അന്വേഷണത്തില് മറ്റ് ദുരൂഹതയൊന്നും ഇല്ലെന്ന് പൊലീസ് പറഞ്ഞു. ഗര്ഭം അലസിപ്പിക്കാന് ഗുളിക കഴിച്ചതിനെത്തുടര്ന്നാണ് പ്രീതിയുടെ മരണമെന്ന് സഹോദരനും പൊലീസില് മൊഴി നല്കിയിട്ടുണ്ട്. അസ്വാഭാവിക മരണത്തിന് പൊലീസ് കേസെടുത്ത് അന്വേഷണം ആരംഭിച്ചു.