മുന് കേരള മുഖ്യമന്ത്രി ഉമ്മന് ചാണ്ടിയുടെ മകനും ഇന്ത്യന് യൂത്ത് കോണ്ഗ്രസ് (ഐവൈസി) നേതാവുമായ ചാണ്ടി ഉമ്മന് കോണ്ഗ്രസിന്റെ ഭാരത് ജോഡോ യാത്രയില് നഗ്നപാദനായി ആണ് നടക്കുന്നത്.
ഇന്ത്യന് യൂത്ത് കോണ്ഗ്രസിന്റെ ഔട്ട്റീച്ച് സെല്ലിന്റെ ചെയര്മാന് കൂടിയായ ഐവൈസി നേതാവ് യാത്രയ്ക്കിടെ കോണ്ഗ്രസ് നേതാവ് രാഹുല് ഗാന്ധിയ്ക്കൊപ്പം നടക്കുന്നു. ചെരുപ്പ് ഇല്ലാതെ നടക്കുന്നത് അത് തനിക്ക് ഊര്ജം പകരുന്നു എന്ന് അദ്ദേഹം പറഞ്ഞു.
നഗ്നപാദനായി നടക്കാനുള്ള തീരുമാനത്തെ കുറിച്ച് ചോദിച്ചപ്പോള് അദ്ദേഹം പറഞ്ഞു, “യാത്രയില് ഞാന് സാധാരണയായി നഗ്നപാദനായി നടക്കുന്നു, എന്നാല് ബാക്കിയുള്ള സമയങ്ങളില് ഞാന് ഷൂസ് ധരിക്കും. എന്റെ നേതാവ് രാഹുല് ഗാന്ധിക്ക് ഐക്യദാര്ഢ്യം പ്രഖ്യാപിച്ച് നഗ്നപാദനായി നടക്കുന്നു. അത് എനിക്ക് ഊര്ജം പകരുന്നു..”
കഠിനമായ ശൈത്യകാലത്ത് നഗ്നപാദനായി നടക്കാന് തനിക്ക് എങ്ങനെ കഴിയുന്നു എന്നതിനെക്കുറിച്ചും അദ്ദേഹം പറഞ്ഞു, തണുപ്പ് കാരണം തന്റെ മാര്ച്ച് ആരംഭിക്കുന്നത് വൈകുമെന്നും എന്നാല് നഗ്നപാദനായി നടക്കാന് തനിക്ക് വലിയ ബുദ്ധിമുട്ടില്ലെന്നും ചാണ്ടി പറഞ്ഞു. യാത്രയില് 3000 കിലോമീറ്റര് നഗ്നപാദനായി സഞ്ചരിച്ചിട്ടുണ്ടെന്നും ചാണ്ടി കൂട്ടിച്ചേര്ത്തു.
ഭാരത് ജോഡോ യാത്രയെക്കുറിച്ചുള്ള തന്റെ വീക്ഷണങ്ങള് പ്രകടിപ്പിച്ചുകൊണ്ട് അദ്ദേഹം പറഞ്ഞു, യാത്രയ്ക്കിടെ എല്ലാ സംസ്ഥാനങ്ങളിലും ഒരു ലക്ഷത്തോളം ആളുകള് രാഹുല് ഗാന്ധിയെ കണ്ടു.
“രാഹുല് ജിയെ സ്വീകരിക്കാന് അതിരാവിലെ ആളുകള് എത്തുന്നു, അദ്ദേഹവും അവരെ ശ്രദ്ധിക്കുന്നു. എല്ലാ സംസ്ഥാനങ്ങളിലും ഒരു ലക്ഷത്തില് കുറയാത്ത ആളുകള് അദ്ദേഹത്തെ സന്ദര്ശിച്ചുവെന്ന് ഞാന് വിശ്വസിക്കുന്നു. പ്രതികരണം നല്ലതാണ്. ഈ മാര്ച്ചുമായി സഹകരിക്കുന്നതില് ഞാന് അഭിമാനിക്കുന്നു,” അദ്ദേഹം പറഞ്ഞു.
സെപ്റ്റംബര് ഏഴിന് തമിഴ്നാട്ടിലെ കന്യാകുമാരിയില് നിന്ന് ആരംഭിച്ച യാത്ര ജനുവരി 30ന് ശ്രീനഗറില് രാഹുല് ത്രിവര്ണ പതാക ഉയര്ത്തുന്നതോടെ സമാപിക്കും. മാര്ച്ച് ഇതുവരെ തമിഴ്നാട്, കേരളം, കര്ണാടക, ആന്ധ്രാപ്രദേശ്, തെലങ്കാന, മഹാരാഷ്ട്ര, മധ്യപ്രദേശ്, രാജസ്ഥാന്, ഡല്ഹി, ഉത്തര്പ്രദേശ് എന്നിവിടങ്ങളില് സഞ്ചരിച്ച് ഇപ്പോള് ഹരിയാനയിലാണ്.