കോഴിക്കോട് : താമരശ്ശേരിയില്‍ ഭാര്യയെ വഴിയില്‍ ഉപേക്ഷിച്ച്‌ ഭര്‍ത്താവിനെ തട്ടിക്കൊണ്ടുപോയ സംഭവത്തില്‍ ഒരാള്‍ കസ്റ്റഡിയില്‍.
ചോദ്യം ചെയ്യാന്‍ വിളിപ്പിച്ച മറ്റൊരാളെ വിട്ടയച്ചു. അക്രമി സംഘം തട്ടിക്കൊണ്ടു പോയ പരപ്പന്‍പൊയില്‍ സ്വദേശിയും പ്രവാസിയുമായ ഷാഫിയെ കണ്ടെത്താന്‍ പൊലീസിന് ഇതുവരെ കഴിഞ്ഞിട്ടില്ല.
പരപ്പന്‍പൊയില്‍ സ്വദേശികളായ ദമ്ബതികളെയാണ് നാലംഗ സംഘമാണ് കാറിലെത്തി തട്ടിക്കൊണ്ടു പോയത്. കഴിഞ്ഞ ദിവസം രാത്രി ഒന്‍പത് മണിയോടെയായിരുന്നു സംഭവം. വെള്ള സ്വിഫ്റ്റ് കാറിലാണ് അക്രമി സംഘം എത്തിയത്. ബഹളം കേട്ട് വീടിന് പുറത്തേക്ക് വന്നപ്പോള്‍ ഭര്‍ത്താവ് ഷാഫിയെ നാലംഗ സംഘം കാറില്‍ കയറ്റിക്കൊണ്ടുപോകാന്‍ ശ്രമിക്കുന്നത് കണ്ടതായി ഭാര്യ സനിയ പറയുന്നു.
ചെറുത്തതോടെ സനിയയെയും കാറിലേക്ക് വലിച്ചുകയറ്റി. കാറിന്റെ ഡോറടയ്ക്കാന്‍ കഴിഞ്ഞിരുന്നില്ല. കുറച്ച്‌ മുന്നോട്ട് പോയ ശേഷം റോഡിലിറക്കിവിട്ടതായി സനിയ പൊലീസിന് മൊഴി നല്‍കി. പിടിവലിക്കിടെ കഴുത്തില്‍ പരിക്കേറ്റ സനിയ താമരശ്ശേരി താലൂക്ക് ആശുപത്രിയില്‍ ചികിത്സ തേടിയിരുന്നു. കഴുത്തില്‍ പരിക്കേറ്റ പാടുണ്ട്.
മൂന്നാഴ്ച മുമ്ബ് പണം ആവശ്യപ്പെട്ട് ഒരു സംഘം വീട്ടിലെത്തി അക്രമം നടത്തിയിരുന്നുവെന്ന് ഇവര്‍ പറയുന്നു. ഇതില്‍ താമരശ്ശേരി പോലീസില്‍ കേസ് നിലവിലുണ്ട്. ദുബായില്‍ ബിസിനസ് നടത്തിയിരുന്ന ഷാഫി ഒരു വര്‍ഷം മുമ്ബാണ് നാട്ടിലെത്തിയത്. വിദേശത്തുള്ള ഇടപാടുമായി ബന്ധപ്പെട്ട് കൊടുവള്ളി സ്വദേശി നിരന്തരം ഭീഷണിപ്പെടുത്തുന്നുണ്ടെന്നാണ് ഇവര്‍ പറയുന്നത്. താമരശ്ശേരി പോലീസ് സ്ഥലത്തെത്തി പരിശോധന നടത്തി. സിസിടിവി ദൃശ്യങ്ങളും പോലീസ് പരിശോധിക്കുന്നുണ്ട്.
