തൃശൂരില് എസ്.എസ്.എല്.സി പരീക്ഷാ ഹാളില് ഡ്യൂട്ടിയിലുണ്ടായിരുന്ന ഇന്വിജിലേറ്ററില് നിന്നും ജില്ലാ വിദ്യാഭ്യാസ ഓഫീസറുടെ നേതൃത്വത്തിലുള്ള പരീക്ഷാ സ്ക്വാഡ് മൊബൈല് ഫോണ് കണ്ടെടുത്തു.
തൃശൂര് വിദ്യാഭ്യാസ ജില്ലയിലെ കാല്ഡിയന് സിലിയന് സ്കൂളിലെ പരീക്ഷാ ഹാളിലെ ഇന്വിജിലേറ്ററില് നിന്നാണ് ഫോണ് കണ്ടെടുത്തത്. ഇന്വിജിലേറ്ററെ ഇതേ തുടര്ന്ന് പരീക്ഷാ ഡ്യൂട്ടിയില് നിന്നും ഒഴിവാക്കി ഉത്തരവിറക്കിയതായി വിദ്യാഭ്യാസ ഓഫീസര് അറിയിച്ചു.
മൊബൈല് ഫോണ് പരീക്ഷാ ഹാളില് കൊണ്ടുവന്ന് ഉപയോഗിക്കരുതെന്ന പൊതു വിദ്യാഭ്യാസ ഡയറക്ടറുടെ നിര്ദ്ദേശം അവഗണിച്ച് ഹാളില് മൊബൈല് ഫോണ് സൂക്ഷിച്ച അധ്യാപികയ്ക്കെതിരെയും സെന്ററിലെ ചീഫ് സൂപ്രണ്ടിനും ഡെപ്യൂട്ടി ചീഫ് സൂപ്രണ്ടിനുമെതിരെയും അച്ചടക്ക നടപടി സ്വീകരിക്കും. പരീക്ഷ അവസാനിക്കുന്ന തിങ്കളാഴ്ചയും മൂന്ന് വ്യത്യസ്ത സ്ക്വാഡുകള് വിദ്യാഭ്യാസ ജില്ലയില് ഉടനീളമുണ്ടാകുമെന്നും അധികൃതര് അറിയിച്ചു.