തിരുവനന്തപുരം: ലോക്സഭാ തെരഞ്ഞെടുപ്പ് വോട്ടെടുപ്പ് ദിവസമായ ഏപ്രില് 26ന് സംസ്ഥാനത്ത് പൊതു അവധി. കേരളത്തിലെ 20 ലോക്സഭാ മണ്ഡലങ്ങളിലേക്കുമുള്ള വോട്ടെടുപ്പ് നടക്കുന്നത് ഏപ്രില് 26 നാണ്.
ഈ സാഹചര്യത്തിലാണ് സംസ്ഥാനത്തെ സർക്കാർ ഓഫിസുകള്, വിദ്യാഭ്യാസ സ്ഥാപനങ്ങള് എന്നിവ ഉള്പ്പടെ എല്ലാ സ്ഥാപനങ്ങള്ക്കും പൊതു അവധി പ്രഖ്യാപിച്ചിരിക്കുകയാണ്. വാണിജ്യ സ്ഥാപനങ്ങള്ക്ക് ശമ്ബളത്തോടെയുള്ള അവധിയാണ് നല്കിയിരിക്കുന്നത്.
സംസ്ഥാനത്തെ നെഗോഷ്യബിള് ഇൻസ്ട്രുമെന്റ്സ് ആക്ടിന്റെ പരിധിയിലുള്ള എല്ലാ സർക്കാർ, അർധസർക്കാർ, വാണിജ്യ സ്ഥാപനങ്ങള്ക്കും അവധി പ്രഖ്യാപിച്ച് സർക്കാർ ഉത്തരവിറക്കി. വാണിജ്യ സ്ഥാപനങ്ങള്ക്കു ശമ്ബളത്തോടെയുള്ള അവധിയാണ് നല്കുക. കൊമേഴ്സ്യല് എസ്റ്റാബ്ലിഷ്മെന്റ് ആക്ടിനു പരിധിയില് വരുന്ന സ്വകാര്യ സ്ഥാപനങ്ങള്, സ്വകാര്യ വ്യവസായ കേന്ദ്രങ്ങള് തുടങ്ങിയിടങ്ങളില് അവധി നല്കുന്നതിന് ലേബർ കമ്മിഷണർ ആവശ്യമായ ക്രമീകരണങ്ങള് ഏർപ്പെടുത്തണം.