കുവൈത്ത് സിറ്റി: കുവൈത്ത് മലങ്കര റൈറ്റ് മൂവ്മെന്‍റിന്റെ യുവജന പ്രസ്ഥാനമായ എം.സി.വൈ.എം കുവൈത്ത് നടത്തുന്ന ക്രിക്കറ്റ് ടൂര്‍ണമെന്‍റ് ‘യുവ T20 കപ്പ് സീസണ്‍ 9’ അബ്ബാസിയ ക്രിക്കറ്റ് ഗ്രൗണ്ടില്‍ തുടങ്ങി.
ഉദ്ഘാടന ചടങ്ങില്‍ എം.സി.വൈ.എം പ്രസിഡന്‍റ് നോബിന്‍ ഫിലിപ്പ് അധ്യക്ഷത വഹിച്ചു.
എം.സി.വൈ.എം ഡയറക്ടര്‍ റവ. ഫാ. ജോണ്‍ തുണ്ടിയത്ത് അനുഗ്രഹപ്രഭാഷണം നടത്തി. കെ.എം.ആര്‍.എം പ്രസിഡന്‍റ് ജോസഫ് കെ. ഡാനിയേല്‍ ഉദ്ഘാടനം ചെയ്തു. എം.സി.വൈ.എം ആനിമേറ്റര്‍ ബിജി കെ. എബ്രഹാം, ടൂര്‍ണമെന്‍റ് രക്ഷാധികാരി അഡ്വ. ഷിബു ജേക്കബ് എന്നിവര്‍ സംസാരിച്ചു. കെ.എം.ആര്‍.എം ജനറല്‍ സെക്രട്ടറി മാത്യു കോശി, ട്രഷറര്‍ ജിമ്മി എബ്രഹാം, ടൂര്‍ണമെന്‍റ് കണ്‍വീനര്‍ ലിബിന്‍ ഫിലിപ്പ്, ടൂര്‍ണമെന്‍റ് അഡ്വൈസര്‍ ഷിബു പാപ്പച്ചന്‍, ടൂര്‍ണമെന്‍റ് മാനേജര്‍ അനു വര്‍ഗീസ്, കെ.എം.ആര്‍.എം ഏരിയ പ്രസിഡന്‍റുമാര്‍, എം.സി.വൈ.എം ഭാരവാഹികള്‍ എന്നിവര്‍ പങ്കെടുത്തു. സെക്രട്ടറി കെ.എസ്. ജയിംസ്‌ സ്വാഗതവും ട്രഷറര്‍ ഫിനോ മാത്യു പാട്രിക് നന്ദിയും പറഞ്ഞു. ഫ്രണ്ട്‌സ് ക്രിക്കറ്റ് ക്ലബും ആഷസ് കുവൈത്തും ഏറ്റുമുട്ടി. കുവൈത്തിലെ 16 പ്രമുഖ ടീമുകള്‍ പങ്കെടുക്കുന്ന ടൂര്‍ണമെന്‍റ് ഫെബ്രുവരി 25ന് സമാപിക്കും.
