ഡല്ഹി : കോണ്ഗ്രസ് പ്ലീനറി സമ്മേളനം നാളെ തുടങ്ങാനിരിക്കേ പ്രവര്ത്തക സമിതിയിലേക്കുള്ള സാധ്യതാ പട്ടികയില് ശശി തരൂരും.
കോണ്ഗ്രസ് അധ്യക്ഷന് മല്ലികാര്ജ്ജുന് ഖാര്ഗ്ഗെ തയ്യാറാക്കിയ സാധ്യതാ പട്ടികയിലാണ് ശശി തരൂരിന്റെ പേര് ഉള്ളത്.
തരൂരിനെ പ്രത്യേക ക്ഷണിതാവായെങ്കിലും പ്രവര്ത്തക സമിതിയിലേക്ക് എത്തിക്കാനുള്ള സാധ്യതയാണ് അവസാന ഘട്ടത്തില് തെളിയുന്നത് എന്നാണ് സൂചന.
കോണ്ഗ്രസ് ചരിത്രത്തിലെ എണ്പത്തിയഞ്ചാമത്ത് പ്ലീനറി സമ്മേളനത്തിന് നാളെ തുടക്കമാവും. പതിനയ്യായിരത്തോളം പ്രതിനിധികള് മൂന്ന് ദിവസം നീണ്ടു നില്ക്കുന്ന പ്ലീനറി സമ്മേളനത്തില് പങ്കെടുക്കും.
1338 പേര്ക്കാണ് വോട്ടവകാശം. പ്രവര്ത്തക സമിതിയിലേക്ക് നാമനിര്ദ്ദേശം മതിയെന്നാണ് ഭൂരിപക്ഷാഭിപ്രായമെങ്കിലും രാഹുല് ഗാന്ധിയുടെ നിലപാട് നിര്ണ്ണായകമാകും. ഇക്കാര്യത്തില് അന്തിമ തീരുമാനം രാഹുലിന് വിട്ടിരിക്കുകയാണ്.