മനാമ: ശൈഖ് ഈസ ബിന് അലി ആല് ഖലീഫയുടെ പേരിലുള്ള സന്നദ്ധ സേവനത്തിനുള്ള 11ാമത് അവാര്ഡ് ആരോഗ്യമന്ത്രി ഫാഇഖ ബിന്ത് സഈദ് അസ്സാലിഹ് ഏറ്റുവാങ്ങി.
സനാബിസിലെ ആരോഗ്യമന്ത്രിയുടെ ഓഫിസില് നടന്ന ചടങ്ങിലാണ് മെമേന്റാ കൈമാറിയത്. കോവിഡ് പ്രതിരോധ പ്രവര്ത്തനങ്ങളെ മാനിച്ച് ആരോഗ്യമേഖലയിലെ മുന്നിര പ്രവര്ത്തകര്ക്കുള്ള ആദരവെന്ന നിലക്കാണ് രണ്ടാം പ്രാവശ്യവും തുടര്ച്ചയായി ആരോഗ്യ മന്ത്രാലയത്തിന് പുരസ്കാരം ലഭിച്ചത്.
അവാര്ഡിനായി ആരോഗ്യ മന്ത്രാലയത്തെ പരിഗണിച്ചതില് ഗുഡ് വേഡ് സൊസൈറ്റി ഓണററി ചെയര്മാന് ശൈഖ് ഈസ ബിന് അലി ആല് ഖലീഫക്ക് മന്ത്രി നന്ദി അറിയിച്ചു. ആരോഗ്യമന്ത്രാലയത്തിലെ അണ്ടര് സെക്രട്ടറി ഡോ. വലീദ് അല് മാനിഅ്, കോവിഡ് പ്രതിരോധ ഉന്നതാധികാര സമിതിയംഗം ഡോ. മനാഫ് അല് ഖഹ്താനി എന്നിവര്ക്ക് ഗുഡ്വേഡ് സൊസൈറ്റി ചെയര്മന് ഹസന് ബൂ ഹസാഅ് മെമേന്റാകള് കൈമാറി.