ക്വാർട്ടർ ഫൈനലിന്റെ രണ്ടാം പാദം വിജയിച്ചു എങ്കിലും ലിവർപൂള്‍ യൂറോപ്പ ലീഗില്‍ നിന്ന് പുറത്ത്. ഇന്ന് ഇറ്റലിയില്‍ വെച്ച്‌ രണ്ടാം പാദത്തില്‍ അറ്റലാന്റയെ നേരിട്ട ലിവർപൂള്‍ 1-0ന് വിജയിച്ചു എങ്കിലും അത് മതിയായില്ല ക്ലോപ്പിന്റെ ടീമിന് സെമി എത്താൻ.
3-1ന്റെ അഗ്രിഗേറ്റ് സ്കോറില്‍ ജയിച്ച്‌ അറ്റലാന്റ സെമിയിലേക്ക് മുന്നേറി. അറ്റലാന്റ നേരത്തെ ആദ്യ പാദത്തില്‍ ആൻഫീല്‍ഡില്‍ വെച്ച്‌ ലിവർപൂളിനെ 3-0ന് തോല്‍പ്പിച്ചിരുന്നു.
ഇന്ന് ഏഴാം മിനുട്ടില്‍ തന്നെ ലിവർപൂളിന് ലീഡ് എടുക്കാൻ ആയിരുന്നു. ഒരു പെനാള്‍ട്ടിയില്‍ നിന്ന് സലായാണ് ഗോള്‍ നേടിയത്. എന്നാല്‍ ഈ തുടക്കം മുതലെടുക്കാൻ ലിവർപൂളിനായില്ല. രണ്ടാതൊരു ഗോള്‍ നേടി അറ്റലാന്റയെ സമ്മർദ്ദത്തില്‍ ആക്കാൻ അവർക്ക് കളിയില്‍ ഒരു വേളയിലും ആയില്ല.
അറ്റലാന്റ ഇനി സെമിയില്‍ ബെൻഫികയെ ആകും നേരിടുക. ബെൻഫിക മാഴ്സയെ തോല്‍പ്പിച്ച്‌ ആണ് സെമിയിലേക്ക് എത്തുന്നത്.
