ജുബൈല്‍: ജുബൈല്‍ ഇന്ത്യന്‍ ഇസ്ലാഹി സെന്റര്‍ അടുത്ത വര്‍ഷത്തേക്കുള്ള ഭാരവാഹികളെ തെരഞ്ഞെടുത്തു.
അബ്ദുല്‍ മന്നാന്‍ കൊടുവള്ളി ആമുഖഭാഷണം നടത്തി. അര്‍ശദ് ബിന്‍ ഹംസ വാര്‍ഷിക പ്രവര്‍ത്തന റിപ്പോര്‍ട്ട് അവതരിപ്പിച്ചു.
ആസാദ് വളപട്ടണം സാമ്ബത്തിക റിപ്പോര്‍ട്ട് സമര്‍പ്പിച്ചു. ജനറല്‍ ബോഡി യോഗത്തില്‍ എന്‍ജിനീയര്‍ എന്‍.വി. മുഹമ്മദ് സാലിം മുഖ്യ പ്രഭാഷണം നിര്‍വഹിച്ചു. ഇസ്‍ലാം ഏറെ വിമര്‍ശിക്കപ്പെടുകയും തെറ്റിദ്ധരിക്കപ്പെടുകയും ചെയ്യുന്ന ഇക്കാലത്ത് യഥാര്‍ഥ അറിവിന്റെ സ്രോതസ്സുകളില്‍നിന്ന് ഇസ് ലാമിനെക്കുറിച്ച്‌ പഠിക്കുകയും അറിവ് പകര്‍ന്നു നല്‍കുകയും ചെയ്യുന്ന പ്രബോധന പ്രവര്‍ത്തനങ്ങള്‍ക്ക് നേതൃത്വം നല്‍കണമെന്ന് അദ്ദേഹം പറഞ്ഞു. സുബ്ഹാന്‍ സ്വലാഹി, മുഹമ്മദ് സിയാദ് എന്നിവര്‍ നടപടിക്രമങ്ങള്‍ നിയന്ത്രിച്ചു. ഭാരവാഹികള്‍: അര്‍ഷദ് ബിന്‍ ഹംസ (പ്രസി.), അബ്ദുല്‍ മന്നാന്‍ കൊടുവള്ളി (ജന. സെക്ര.), ആസാദ് വളപട്ടണം (ട്രഷ.), മൊയ്തീന്‍ കുട്ടി മലപ്പുറം, ഇബ്രാഹിം പൊട്ടേങ്ങള്‍ (വൈസ് പ്രസി.), എന്‍.പി. അലിയാര്‍, ഹബീബ് റഹ്‌മാന്‍ (ജോ. സെക്ര.). വിവിധ വകുപ്പുകള്‍ക്ക് നേതൃത്വം നല്‍കാന്‍ കണ്‍വീനര്‍മാരെ ചുമതലപ്പെടുത്തി.
